ખનિજ માફિયાઓ સામે કડક કાર્યવાહી: ૧૯ ઇસમોને તડીપાર, પ્રશાસનની સખત કાર્યવાહીથી કાયદો મજબૂત

0 0

ચોટીલા ડીવીઝનમાં ગેરકાયદેસર ખનન પ્રવૃત્તિઓ સામે પ્રશાસને કડક વલણ અપનાવી મહત્વપૂર્ણ પગલું ભર્યું છે. નાયબ કલેક્ટર અને સબ ડિવિઝનલ મેજિસ્ટ્રેટ એચ.ટી. મકવાણા દ્વારા કુલ ૧૯ ખનિજ માફિયાઓને સુરેન્દ્રનગર, રાજકોટ અને મોરબી જિલ્લાની હદમાંથી તડીપાર કરવાનો આદેશ આપવામાં આવ્યો છે. ચોટીલા અને મુળી તાલુકા વિસ્તારમાં લાંબા સમયથી ખનિજ માફિયાઓ દ્વારા ગેરકાયદેસર રીતે કોલસાનું ખનન કરવામાં આવતું હતું. “રેબિટ હોલ” પ્રકારના ઊંડા કૂવા બનાવી અને વિસ્ફોટકોનો ઉપયોગ કરી ખતરનાક રીતે ખનન કરવામાં આવતું હતું, જેમાં મજૂરોની સુરક્ષા અને પર્યાવરણ બંનેને ગંભીર જોખમ ઊભું થતું હતું.
આ ગેરકાયદેસર પ્રવૃત્તિઓના કારણે આસપાસના રહેણાંક મકાનો, શાળાઓ, આંગણવાડીઓ અને જાહેર મિલકતોને નુકસાન પહોંચ્યું હતું. વિસ્ફોટના પ્રચંડ અવાજોથી સ્થાનિક લોકોમાં ભયનો માહોલ સર્જાતો હતો અને અનેકવાર દુર્ઘટનાઓ પણ બની હતી. પ્રશાસન અને પોલીસ વિભાગને દરોડા પાડવામાં પણ મુશ્કેલીઓનો સામનો કરવો પડતો હતો, કારણ કે ખનિજ માફિયાઓ દ્વારા દુર્ગમ વિસ્તારોમાં રસ્તાઓ અવરોધી દેવા, પથ્થર અને કાંટા નાખવા જેવી પ્રવૃત્તિઓ કરવામાં આવતી હતી. તેમ છતાં, પોલીસ અને તંત્રની સંયુક્ત કામગીરીથી આ ગેરકાયદેસર નેટવર્ક સામે અસરકારક પગલાં લેવામાં આવ્યા છે. તારીખ ૨૫ માર્ચ ૨૦૨૬ના રોજ સુનાવણી બાદ ૧૯ ઇસમોને અલગ અલગ સમયગાળા માટે તડીપાર કરવાનો નિર્ણય લેવામાં આવ્યો છે, જે કાયદો અને વ્યવસ્થા જાળવવા માટે મહત્વપૂર્ણ માનવામાં આવે છે.
આ કાર્યવાહીથી વિસ્તારમાં ગેરકાયદેસર ખનન પ્રવૃત્તિઓ પર નિયંત્રણ આવશે તેમજ પર્યાવરણ અને માનવ જીવનની સુરક્ષા સુનિશ્ચિત થવામાં મદદ મળશે. પ્રશાસનની આ સખત કાર્યવાહીથી સામાન્ય જનતામાં વિશ્વાસ વધ્યો છે અને કાયદાનું શાસન વધુ મજબૂત બન્યું છે.

રિપોર્ટર: સંજય નંદેસરિયા

About Post Author

Aarif B Diwan Phone: 9723563374

Happy

1 100 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %