મોરબીમાં ચૈત્રી નવરાત્રી નિમિત્તે ભવ્ય રાસ-ગરબા આયોજન – ભક્તિ અને સંસ્કૃતિનો સુમેળ

મોરબી શહેરના નવલખી રોડ પર રેલ્વે સ્ટેશન નજીક આવેલ શ્રી ધક્કાવાળી મેલડી માતાજી મંદિર ખાતે ચૈત્રી નવરાત્રી મહોત્સવ ઉત્સાહ અને ભક્તિભાવ સાથે ઉજવાઈ રહ્યો છે. સમગ્ર મોરબી પંથકમાં આસ્થા અને શ્રદ્ધાનું પ્રતિક માનવામાં આવતું આ મંદિર રંગબેરંગી લાઇટિંગથી ઝળહળિત બની ભક્તોને આકર્ષી રહ્યું છે.

ચૈત્રી નવરાત્રી દરમિયાન શ્રદ્ધા, ભક્તિ અને આરાધનાના સુમેળ સાથે વિવિધ ધાર્મિક કાર્યક્રમો યોજાઈ રહ્યા છે. આ અવસરે તા. 25/03/2026 બુધવારના રોજ રાત્રે 8:30 વાગ્યે મંદિરના પ્રાંગણમાં ઓર્કેસ્ટ્રા અને મ્યુઝિક પાર્ટીના સંગાથમાં ભવ્ય રાસ-ગરબા કાર્યક્રમનું આયોજન કરવામાં આવ્યું છે.આ કાર્યક્રમ માત્ર ધાર્મિક જ નહીં પરંતુ સાંસ્કૃતિક એકતા અને મહિલાશક્તિના ઉત્સવ રૂપે પણ ઉજવાશે. શ્રી ધક્કાવાળી માં ચેરિટેબલ ટ્રસ્ટ દ્વારા શહેરની તમામ બહેનો અને દિકરીઓને આ ભવ્ય આયોજનમાં જોડાઈ ભક્તિ અને આનંદનો લાભ લેવા હાર્દિક આમંત્રણ પાઠવવામાં આવ્યું છે.
આવો, ચૈત્રી નવરાત્રીના પાવન અવસરે ભક્તિ સાથે સંસ્કૃતિનો રંગ ભરીએ અને રાસ-ગરબા દ્વારા માતાજીની આરાધનામાં લીન થઈએ.