રાજુલામાં જળસંચયનો મહાકુંભ : જનભાગીદારીથી પાણી બચાવવાની નવી દિશા

રાજુલા ખાતે જળસંચય અંગે જનજાગૃતિ અને વિકાસના સંકલ્પ સાથે ભવ્ય જળ સંમેલન યોજાઈ ગયું. શ્રી ગીરગંગા પરિવાર ટ્રસ્ટ રાજકોટ, શ્રી અંબરીશભાઈ જે. ડેર અને રાજુલા તાલુકા કૃષિ સેવા સહકારી મંડળીના સંયુક્ત ઉપક્રમે ગત ૨૮ ફેબ્રુઆરીએ રાજુલા માર્કેટિંગ યાર્ડ ખાતે આ કાર્યક્રમ યોજાયો હતો. જેમાં હજારો લોકો ઉપસ્થિત રહી નવા ચેકડેમો બનાવવા અને પાણી સંચય માટે જનઆંદોલન ઉભું કરવાનો સંકલ્પ કર્યો હતો.આ જળ સંમેલનમાં કેન્દ્રીય કેબિનેટ મંત્રી C. R. Patil અધ્યક્ષ તરીકે હાજર રહ્યા હતા. પોતાના સંબોધનમાં તેમણે જણાવ્યું હતું કે ગીરગંગા પરિવાર ટ્રસ્ટ દ્વારા લોકભાગીદારીના આધારે થતા ચેકડેમ અને જળસંચયના કામો સમગ્ર દેશ માટે એક મોડેલ સમાન છે. પાણી બચાવવું માત્ર કાયદો નથી પરંતુ એક સંસ્કાર છે. તેમણે ઉમેર્યું કે વડાપ્રધાન Narendra Modi દ્વારા શરૂ કરાયેલા જળશક્તિ અભિયાનને ગીરગંગા પરિવાર અને

અંબરીશભાઈની ટીમે મજબૂત વેગ આપ્યો છે. અમરેલીના ધારાસભ્ય અને નાયબ મુખ્ય દંડક કૌશિકભાઈ વેકરિયાએ જણાવ્યું હતું કે કુકાવાવ તાલુકાના ૪૫ ગામોમાં એકસાથે જળસંચય અને ડેમોના કામો શરૂ કરવાની યોજના છે. આ પ્રયાસ માત્ર સરકારી યોજના સુધી સીમિત નહીં રહે, પરંતુ તેને જનઆંદોલનના સ્વરૂપે વિકસાવવાનો સંકલ્પ છે. જો દરેક ખેડૂત પોતાના ખેતર અને ગામમાં પાણી રોકવાનું શીખશે તો આખા વિસ્તારની કાયાપલટ શક્ય બનશે. ગીરગંગા પરિવાર ટ્રસ્ટના પ્રમુખ દિલીપભાઈ સખીયાએ જણાવ્યું કે સંસ્થા દ્વારા અત્યાર સુધી સૌરાષ્ટ્ર સહિત ગુજરાતના અનેક વિસ્તારોમાં અંદાજે ૮,૫૦૦થી વધુ જળ સંચય માળખાં ઉભાં કરવામાં આવ્યા છે. તેના પરિણામે અબજો લિટર પાણીના સંગ્રહની નવી ક્ષમતા ઊભી થઈ છે

અને લગભગ ૨.૫ લાખ એકરથી વધુ ખેતીલાયક જમીનને સિંચાઈનો સીધો લાભ મળ્યો છે. અનેક વિસ્તારોમાં ભૂગર્ભ જળસ્તર ૨૦૦ થી ૫૦૦ ફૂટ સુધી ઊંચું આવ્યું છે, જે લોકભાગીદારી ના મોડેલની મોટી સફળતા છે.આ આયોજનના સંકલ્પક અંબરીશભાઈ જે. ડેરે કાર્યક્રમને સફળ બનાવનાર તમામ કાર્યકરો અને જનતાનો આભાર માનતા જણાવ્યું કે રાજુલા તાલુકાને પાણીદાર બનાવવું તેમનું મુખ્ય લક્ષ્ય છે. જળસંચયથી ખેતી અને પશુપાલન ક્ષેત્રે સમૃદ્ધિ આવશે, ગ્રામ્ય વિસ્તારો ફરી જીવંત બનશે અને સ્થળાંતર જેવી સમસ્યાઓમાં ઘટાડો થશે.આ કાર્યક્રમમાં ઉર્જા મંત્રી કૌશિકભાઈ વેકરિયા, ઈફ્કોના અધ્યક્ષ દિલીપભાઈ સંઘાણી, સાંસદ ભરતભાઈ સુતરીયા, ભાજપ પ્રદેશ મહામંત્રી અનિરુદ્ધભાઈ દવે, જિલ્લા ભાજપ પ્રમુખ અતુલભાઈ કાનાણી સહિત ધારાસભ્યો અને વહીવટી તંત્રના અધિકારીઓ હાજર રહ્યા હતા.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %