કિસાન અધિકાર યાત્રા: ખેડૂતોના પ્રશ્નોને લઈ વાંકાનેર તાલુકામાં રાજકીય માહોલ ગરમાયો

0 0

વાંકાનેર: રાજ્યમાં ખેડૂતોના પ્રશ્નો, ખાસ કરીને ખેતીની જમીનોમાં વીજ ટ્રાન્સમિશન લાઇન, વળતર, સિંચાઈ અને અન્ય મુદ્દાઓને કેન્દ્રમાં રાખી કોંગ્રેસ દ્વારા આયોજિત ‘કિસાન અધિકાર યાત્રા’ હવે વાંકાનેર તાલુકામાં પ્રવેશી રહી છે. જાહેર કરાયેલા કાર્યક્રમ મુજબ યાત્રા 2 જુલાઈથી વાંકાનેર તાલુકાના વિવિધ ગામોમાંથી પસાર થઈ 3 જુલાઈએ નવા સજ્જનપર સુધી પહોંચશે.આ યાત્રા દ્વારા કોંગ્રેસ ખેડૂતોને એકત્રિત કરી તેમના પ્રશ્નોને સરકાર સુધી પહોંચાડવાનો પ્રયાસ કરી રહી છે. પોસ્ટરમાં ખેડૂતોને મોટી સંખ્યામાં જોડાવા માટે અપીલ કરવામાં આવી છે તેમજ થાંભલામાં અસરગ્રસ્ત ખેડૂતોના પ્રશ્નોને મુખ્યત્વે ઉઠાવવાની વાત કરવામાં આવી છે.વર્તમાન પરિસ્થિતિમાં મોરબી-વાંકાનેર વિસ્તારના કેટલાક ગામોમાં ખેતીની જમીનોમાંથી પસાર થતી વીજ ટ્રાન્સમિશન લાઇન, વળતર અને જમીન સંબંધિત મુદ્દાઓને લઈને ખેડૂતોમાં અસંતોષ જોવા મળી રહ્યો છે. છેલ્લા કેટલાક દિવસોથી વિવિધ ખેડૂત સંગઠનો અને રાજકીય પક્ષો આ મુદ્દે સક્રિય બન્યા છે.

આવી સ્થિતિમાં આ યાત્રા સ્થાનિક રાજકારણમાં મહત્વપૂર્ણ બની રહી છે.યાત્રા દરમિયાન ખેડૂતો સાથે સંવાદ, રજૂઆતો અને વિવિધ ગામોમાં સભાઓનું આયોજન કરવામાં આવશે. બીજી તરફ, રાજ્ય સરકાર અને સંબંધિત વિભાગો ખેડૂતોના પ્રશ્નોના ઉકેલ માટે વિવિધ સ્તરે કામગીરી ચાલી રહી હોવાનું જણાવે છે.આગામી દિવસોમાં આ યાત્રાને કેટલો લોકપ્રતિસાદ મળે છે અને ખેડૂતોના પ્રશ્નોના નિરાકરણ માટે શું પરિણામો સામે આવે છે તેના પર સ્થાનિક રાજકીય અને સામાજિક વર્તુળોની નજર રહેશે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %