ફરજની નિષ્ઠાનો દાખલો: ટંકારા પોલીસ બની ખરા અર્થમાં પ્રજા રક્ષક

ટંકારા પોલીસે ફરી એકવાર સાબિત કરી બતાવ્યું છે કે સતર્કતા, ઝડપ અને કાયદાની કડક અમલવારીથી ગુનાખોરીને દબાવી શકાય છે. મોરબી જિલ્લા પોલીસ અધિક્ષક શ્રી મુકેશ પટેલ સાહેબ અને નાયબ પોલીસ અધિક્ષક શ્રી સમીર સારડા સાહેબના સ્પષ્ટ માર્ગદર્શન હેઠળ ટંકારા પોલીસ સ્ટેશનની ટીમ મિલકત સંબંધી ગુનાઓ સામે સતત એક્શનમાં છે.
પી.આઈ. શ્રી કે.એમ. છાસીયાના નેતૃત્વમાં ટંકારા પોલીસે ગજડી ગામે વાડી વિસ્તારમાં થયેલ કોપર વાયરની ચોરીનો ભેદ ગણતરીના દિવસોમાં ઉકેલીને કાર્યક્ષમતાની ઉત્તમ મિસાલ રજૂ કરી છે. પેટ્રોલિંગ દરમિયાન શંકાસ્પદ રીતે મોટરસાયકલ પર પ્લાસ્ટિકનું બાચકું લઈ જતા બે શખ્સોને અટકાવી તપાસ કરતા કોપર વાયરના ગુંચળા મળી આવ્યા. કડક પૂછપરછમાં આરોપીઓએ ૨ અને ૩ ફેબ્રુઆરીની રાત્રિ દરમિયાન અલગ-અલગ વાડીઓમાંથી કેબલ ચોરી કર્યાની કબૂલાત કરી.

પોલીસે બંને આરોપીઓની ધરપકડ કરી આશરે રૂ. ૫૨,૫૦૦/-ની કિંમતનો મુદ્દામાલ જપ્ત કર્યો છે. આ કાર્યવાહી માત્ર એક ચોરીનો ભેદ ઉકેલવો નહીં, પરંતુ ગ્રામ્ય વિસ્તારમાં વધતી મિલકત ચોરી સામે કડક સંદેશ છે.
ટંકારા પોલીસની આ કામગીરીથી એક વાત સ્પષ્ટ થાય છે—
કાયદો સચોટ હાથોમાં હોય તો ગુનેગાર કેટલાય ચાલાક કેમ ન હોય, બચી શકતા નથી.
પ્રજાની સલામતી, સંપત્તિની સુરક્ષા અને વિશ્વાસ જાળવવા માટે ટંકારા પોલીસ સાચા અર્થમાં “ખરા પ્રજા રક્ષક” બની રહી છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %