જીવનરક્ષક સારથી’ : 108 Emergency Service વાંકાનેર IFT ટીમે રસ્તામાં જ કરાવી સફળ ડિલિવરી, માતા-શિશુ સુરક્ષિત

વાંકાનેર (તા. 26/02/2026): કહેવાય છે કે જ્યારે સમય અને શ્વાસ વચ્ચે જંગ ચાલતી હોય ત્યારે 108 ઇમરજન્સી સેવા સાચા અર્થમાં દેવદૂત સાબિત થાય છે. વાંકાનેર પંથકમાં આવી જ એક ગૌરવભરી ઘટના સામે આવી છે, જ્યાં IFT 108 ની ટીમે રસ્તામાં જ સફળ ડિલિવરી કરાવી માતા અને નવજાત શિશુને નવજીવન આપ્યું.
શું હતી સમગ્ર ઘટના?

વહેલી સવારે 01:07 કલાકે વાંકાનેર સબ-ડિસ્ટ્રિક્ટ હોસ્પિટલમાંથી ગંભીર ઇમરજન્સી કોલ મળ્યો. 25 વર્ષીય પ્રસૂતા ભારતીબેન મેઘાભાઈ ધરજીયાને અચાનક પ્રસૂતિ પીડા શરૂ થઈ હતી. તબીબી તપાસમાં જાણવા મળ્યું કે બાળક પેટમાં જ મળ કરી ગયું હોવાથી પરિસ્થિતિ જોખમી હતી. વધુ સારવાર માટે તેમને તાત્કાલિક Morbi Civil Hospital ખાતે રિફર કરવામાં આવ્યા.રસ્તામાં સર્જાઈ કટોકટી એમ્બ્યુલન્સ મોરબી તરફ રવાના થઈ, પરંતુ રસ્તામાં જ પીડા અસહ્ય બની જતા ડિલિવરી અનિવાર્ય બની. આ સંજોગોમાં EMT કિસનભાઈ માલકિયાએ ગભરાટ વિના ERCPના ડૉ. ઋષિ મેડમનું ટેલિફોનિક માર્ગદર્શન લીધું. યોગ્ય સૂચનાઓ અને પોતાની કુશળતા આધારે એમ્બ્યુલન્સમાં જ સફળતાપૂર્વક નોર્મલ ડિલિવરી કરાવવામાં આવી.‘લાઈફ સપોર્ટ ઓન વ્હીલ્સ’નું ઉત્તમ ઉદાહરણ ડિલિવરી બાદ માતા અને બાળકને તાત્કાલિક હોસ્પિટલ પહોંચાડવા પાયલોટ યુવરાજસિંહે કુશળતાપૂર્વક એમ્બ્યુલન્સ હંકારી. સમગ્ર મુસાફરી દરમિયાન ઓક્સિજન સપોર્ટ અને મેડિકલ પ્રોટોકોલ અનુસરી માતા-શિશુના વાઈટલ્સ ચેક કરીને તેમને સ્થિર રાખવામાં આવ્યા. ટૂંકા સમયમાં મોરબી સિવિલ હોસ્પિટલ પહોંચતા તબીબોએ બંનેને સુરક્ષિત જાહેર કર્યા.પરિવારની કૃતજ્ઞતા

મોરબી સિવિલ હોસ્પિટલના તબીબોએ 108 ટીમની સમયસૂચકતા અને ફરજનિષ્ઠાને બિરદાવી. માતા અને બાળક સંપૂર્ણ સુરક્ષિત હોવાની માહિતી મળતા પરિવારજનોની આંખોમાં આનંદના આંસુ છલકાયા અને 108ની ટીમ પ્રત્યે હૃદયપૂર્વક આભાર વ્યક્ત કર્યો.આ સમગ્ર ઘટના વાંકાનેર IFT 108 ટીમની તત્પરતા, માનવતા અને ફરજ પ્રત્યેની અડગ પ્રતિબદ્ધતાનું જીવંત ઉદાહરણ છે. ખરેખર, 108 ઇમરજન્સી સેવા આજે પણ “જીવનરક્ષક સારથી” તરીકે સમાજમાં વિશ્વાસ અને આશાનો દીપ પ્રગટાવી રહી છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %