પવિત્ર રમઝાન માસની બરકત અને ઈબાદતનો સંદેશ

Read Time:1 Minute, 51 Second

વાંકાનેર અહેમદાબાદ મિત્ર ન્યુઝ રિપોર્ટ આરીફ દિવાન : પવિત્ર રમજાન માસ નિમિત્તે મદાર અરહાન ઇરફાનભાઈ (6 વર્ષ) વિરમગામ મદાર મો. સિફાન સમીરભાઈ (6 વર્ષ) – વિરમગામ ઇસ્લામ ધર્મમાં પવિત્ર રમઝાન માસ ખૂબ જ મહત્વપૂર્ણ અને બરકતભર્યો મહિનો માનવામાં આવે છે. પ્રથમ ચાંદ દેખાતા જ સમગ્ર મુસ્લિમ સમાજમાં આનંદ અને ઇબાદતનો માહોલ છવાઈ જાય છે. આ પવિત્ર માસમાં મુસ્લિમ સમાજના યુવાનો, વૃદ્ધો, મહિલાઓ તેમજ નાના નાના બાળકો પણ રોજા રાખી ખુદાની બંદગી કરે છે.
રમઝાન માત્ર ભૂખ અને તરસ સહન કરવાનો મહિનો નથી, પરંતુ તે આત્મશુદ્ધિ, સહનશીલતા, સબ્ર અને પરોપકારનો સંદેશ આપે છે. રોજેદાર સવારથી સાંજ સુધી ખાવા-પીવાથી દૂર રહી નમાઝ, કુરઆન પાઠ અને દુઆ દ્વારા અલ્લાહની ઇબાદત કરે છે. આ મહિને ગરીબ અને જરૂરિયાતમંદોની મદદ કરવી, જકાત અને ફિતરાનું દાન આપવું પણ વિશેષ મહત્વ ધરાવે છે.રમઝાનનો આ પવિત્ર સમય આપણને સદાચાર, શાંતિ અને ભાઈચારાનો પાઠ શીખવે છે. ખાસ કરીને નાના બાળકોમાં પણ ઈમાન અને ઈબાદતની ભાવના પ્રગટ થવી એ સમાજ માટે ગૌરવની વાત છે. અલ્લાહ તઆલા સૌના રોજા, નમાઝ અને ઈબાદત કબૂલ કરે અને સમગ્ર દુનિયામાં શાંતિ અને સુખ સમૃદ્ધિ આપે — આવી દુઆ સાથે, સૌને પવિત્ર રમઝાન માસની દિલથી મુબારકબાદ.