રેલ્વે રોડ મોરબીમાં વૃક્ષ ધરાશાયી: રિક્ષા ચાલકને ઇજા, તંત્રની તત્કાલ કામગીરીથી મોટી દુર્ઘટના ટળી!!!

Read Time:1 Minute, 47 Second

અહેમદાબાદ મિત્ર ન્યુઝ રિપોર્ટ ઈકબાલ સાઈચા

મોરબી: મોરબીના રેલવે રોડ પર સુરજબાગ નજીક અચાનક એક જૂનું વૃક્ષ ધરાશાયી થતાં પસાર થઈ રહેલા એક રિક્ષા ચાલકને ઇજા પહોંચી હતી. ઘટનાની જાણ થતાં જ સ્થાનિક લોકો અને તંત્ર તાત્કાલિક સ્થળ પર પહોંચી સહાયતા કાર્ય હાથ ધર્યું, જેના કારણે વધુ મોટી દુર્ઘટના ટળી હતી.
પ્રાપ્ત માહિતી મુજબ વૃક્ષ અચાનક ધરાશાયી થતાં રિક્ષા પર પડ્યું હતું, જેના કારણે ચાલકને શરીરના ભાગે ચોટ-ચાંભા થયા. સ્થાનિક લોકોએ માનવતા દાખવી ઇજાગ્રસ્તને તરત જ સારવાર માટે હોસ્પિટલ ખસેડ્યો. હાલ તેમની સ્થિતિ સ્થિર હોવાનું જાણવા મળે છે.ઘટનાના પગલે નગરપાલિકા તંત્ર દ્વારા માર્ગ પર પડેલ વૃક્ષ દૂર કરી ટ્રાફિક વ્યવસ્થા પુનઃસ્થાપિત કરવામાં આવી. સાથે સાથે જોખમી અને સુકાયેલા વૃક્ષોની તપાસ શરૂ કરવામાં આવી હોવાનું જણાવાયું છે.આ ઘટના આપણને જાહેર સુરક્ષા અને પર્યાવરણ સંરક્ષણ બંને બાબતોમાં સતર્ક રહેવાની યાદ અપાવે છે. સમયસર વૃક્ષોની કાપછાંટ અને જાળવણી કરવી જરૂરી છે, જેથી આવા અકસ્માતોને અટકાવી શકાય.સ્થાનિક તંત્ર અને નાગરિકોની સહયોગભાવનાથી મોટી જાનહાનિ ટળી તે સમાજ માટે સકારાત્મક સંદેશ સમાન છે.