વાંકાનેરમાં માનવતાની મહેક : રમઝાન 2026માં દર્દી સગા અને ડ્રાઈવર ભાઈઓ માટે નિઃશુલ્ક સેહરી-ઇફ્તારી

વાંકાનેર : પવિત્ર Ramadan 2026 નિમિત્તે વાંકાનેર શહેરમાં ફરી એકવાર માનવતાભરી સેવા શરૂ કરવામાં આવી છે. ગત વર્ષની જેમ આ વર્ષે પણ સમગ્ર રમઝાન માસ દરમિયાન વાંકાનેરની કોઈપણ હોસ્પિટલમાં દાખલ દર્દીઓના સગા-સંબંધીઓ તેમજ પોતાના ઘર-પરિવારથી દૂર રહેનારા ટ્રક ડ્રાઇવર અને અન્ય વાહનચાલક ભાઈઓ માટે નિઃશુલ્ક સેહરી અને ઇફ્તારીની વ્યવસ્થા કરવામાં આવી છે.ચંદ્રપુર, વાંકાનેર સ્થિત નુર પ્લાઝા, MS ટ્રક પાર્કિંગ ખાતે આ સેવા ઉપલબ્ધ રહેશે. ઉપવાસ રાખતા દર્દી સગાઓ અને પરદેશી મુસાફરોને સમયસર અને સન્માનપૂર્વક ભોજન મળે તે હેતુથી આ અનોખી પહેલ હાથ ધરવામાં આવી છે.આ માનવતાભરી સેવામાં સદ્દામભાઈ (JP રોડલાઇન્સ) – 9727778677 (JP ગ્રુપ) અલ્તાફભાઈ બ્લોચ (MS ગ્રુપ) – 9974161161 સંપર્ક કરી શકાય છે.
દર વર્ષે રમઝાન માસ દરમિયાન આ પ્રકારની સેવા દ્વારા સમાજમાં સહાનુભૂતિ, એકતા અને ભાઈચારાનો સંદેશ ફેલાય છે. હોસ્પિટલોમાં ચિંતા વચ્ચે રહેલા પરિવારજનોને અને લાંબા રસ્તા પર રહેનારા ડ્રાઇવર ભાઈઓને આ સહાય મોટી રાહત પુરવાર થાય છે.વાંકાનેર શહેરમાં આવી સેવાકીય પ્રવૃત્તિઓ સમાજમાં સકારાત્મક ઊર્જા અને માનવતાની મહેક ફેલાવે છે — જે સાચા અર્થમાં રમઝાનના પવિત્ર સંદેશ “સહાનુભૂતિ અને સેવા”ને જીવંત કરે છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %