ખેલ મહાકુંભમાં સાંદિપની સ્કૂલનો ગૌરવશાળી વિજય – હળવદના વિદ્યાર્થીઓએ જીત્યા સિલ્વર અને બ્રોન્ઝ મેડલ

Read Time:1 Minute, 47 Second

અહેમદાબાદ મિત્ર ન્યુઝ રિપોર્ટ સંજય નંદેસારીયા હળવદ: ગુજરાત સરકાર દ્વારા આયોજિત પ્રતિષ્ઠિત ‘ખેલ મહાકુંભ’ અંતર્ગત તા. ૧૫ અને ૧૬ ફેબ્રુઆરી ૨૦૨૬ના રોજ સુરત ખાતે રાજ્ય કક્ષાની આર્ટિસ્ટિક સ્કેટિંગ સ્પર્ધાનું ભવ્ય આયોજન કરવામાં આવ્યું હતું. આ સ્પર્ધામાં મોરબી જિલ્લાના પ્રતિનિધિત્વ સાથે હળવદની સાંદિપની ઇંગ્લિશ સ્કૂલના સ્કેટર્સે ઉત્કૃષ્ટ પ્રદર્શન કરીને સિલ્વર અને બ્રોન્ઝ મેડલ પ્રાપ્ત કર્યા હતા. વિદ્યાર્થીઓની પ્રતિભા, મહેનત અને દૃઢ સંકલ્પના પરિણામે મળેલી આ સિદ્ધિ સમગ્ર મોરબી જિલ્લામાં ગૌરવની લાગણી પેદા કરે છે. સ્પર્ધા દરમિયાન વિદ્યાર્થીઓએ પોતાની કળા, સંતુલન અને આત્મવિશ્વાસનો શ્રેષ્ઠ પરિચય આપ્યો હતો.
શાળાના સંચાલકમંડળ અને શિક્ષકગણ દ્વારા વિદ્યાર્થીઓને સતત પ્રોત્સાહન અને માર્ગદર્શન આપવામાં આવતા તેઓ રાજ્ય કક્ષાએ પણ પોતાની છાપ છોડી શક્યા છે. આ સિદ્ધિ બદલ વિજેતા વિદ્યાર્થીઓ, તેમના માતા-પિતા અને કોચને અભિનંદન પાઠવવામાં આવ્યા છે.સાંદિપની સ્કૂલના વિદ્યાર્થીઓએ ફરી એકવાર સાબિત કર્યું છે કે યોગ્ય માર્ગદર્શન અને સતત પ્રયત્નોથી કોઈપણ સપનું સાકાર કરી શકાય છે.