યુવાશક્તિમાં સંસ્કાર, સંસ્કૃતિ અને આત્મવિશ્વાસના સિંચન માટે ગુજરાત સાંસ્કૃતિક વક્તૃત્વ સ્પર્ધા-2026નો પ્રારંભ

0 0

ગાંધીનગર : રાજ્યના ઉચ્ચ શિક્ષણ વિભાગ અને સેવ કલ્ચર-સેવ ભારત ફાઉન્ડેશનના સંયુક્ત ઉપક્રમે આયોજિત **‘ગુજરાત સાંસ્કૃતિક વક્તૃત્વ સ્પર્ધા-2026’**નો મુખ્યમંત્રી શ્રી ભૂપેન્દ્રભાઈ પટેલે ગાંધીનગરથી વર્ચ્યુઅલ માધ્યમથી પ્રારંભ કરાવ્યો હતો. કાર્યક્રમમાં શિક્ષણ મંત્રી ડૉ. પ્રદ્યુમન વાજા, શિક્ષણ રાજ્યમંત્રી શ્રી ત્રિકમભાઈ છાંગા સહિતના મહાનુભાવો ઉપસ્થિત રહ્યા હતા. મુખ્યમંત્રીએ જણાવ્યું હતું કે, આજની યુવાશક્તિ પાસે જ્ઞાન અને ટેક્નોલોજી સાથે શ્રેષ્ઠ ચારિત્ર્ય, વિનય, વિવેક, સુશીલતા અને સંસ્કારનું સિંચન પણ જરૂરી છે. તેમના મતે, યુવાઓમાં સાંસ્કૃતિક મૂલ્યો અને આત્મવિશ્વાસ વિકસે તે સમયની મહત્વપૂર્ણ જરૂરિયાત છે.

તેમણે સ્પષ્ટ કર્યું હતું કે આ વક્તૃત્વ સ્પર્ધા માત્ર સ્પર્ધાત્મક પ્રવૃત્તિ પૂરતી સીમિત નથી, પરંતુ યુવાઓમાં પોતાની સંસ્કૃતિ પ્રત્યે આદર, વિચારશક્તિ અને અભિવ્યક્તિ કૌશલ્ય વિકસાવવા માટેનું એક માધ્યમ બની શકે છે. સાથે જ ચરિત્ર્ય નિર્માણ અને રાષ્ટ્ર નિર્માણમાં યુવાઓની ભાગીદારી વધારવા પર ભાર મૂક્યો હતો. મુખ્યમંત્રીએ વિકસિત ભારત @ 2047 અને આત્મનિર્ભર ભારતના લક્ષ્યાંકો સાથે યુવાશક્તિની ભૂમિકાને મહત્વપૂર્ણ ગણાવી હતી. તેમણે ખેલકૂદ, સ્વાસ્થ્ય અને નશામુક્તિ જેવા વિષયો સાથે યુવાપેઢીને જોડવાની જરૂરિયાત દર્શાવી હતી. વક્તૃત્વથી વિચારશક્તિ સુધી ગુજરાત સાંસ્કૃતિક વક્તૃત્વ સ્પર્ધા દ્વારા વિદ્યાર્થીઓ અને યુવાનોને પોતાના વિચારો જાહેર મંચ પર વ્યક્ત કરવાની તક મળવાની સાથે સાંસ્કૃતિક વારસા, સામાજિક જવાબદારી અને રાષ્ટ્રનિર્માણ જેવા વિષયો પર વિચાર કરવાની તક મળશે. આવી પ્રવૃત્તિઓ યુવાઓમાં વક્તૃત્વ કૌશલ્ય, આત્મવિશ્વાસ અને વૈચારિક અભિવ્યક્તિ વિકસાવવામાં સહાયક બની શકે છે. મુખ્યમંત્રીએ યુવાધનને દેશની મહત્વપૂર્ણ શક્તિ ગણાવી, જ્ઞાન સાથે સંસ્કાર અને જવાબદારીની ભાવના વિકસાવીને ગુજરાત તથા દેશના વિકાસમાં યોગદાન આપવા આહવાન કર્યું હતું.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %