મોંઘવારીના મુદ્દે મહિલા કોંગ્રેસનો વાંકાનેરમાં વિરોધ

1 0

રાંધણગેસ, જીવનજરૂરી ચીજવસ્તુઓ અને ઘરખર્ચના વધતા બોજા સામે સરકારને ઘેરવાનો પ્રયાસ

વાંકાનેર શહેરમાં મોંઘવારીના મુદ્દે મોરબી જિલ્લા મહિલા કોંગ્રેસ દ્વારા તાલુકા કક્ષાનો વિરોધ કાર્યક્રમ યોજાયો હતો. ગુજરાત પ્રદેશ મહિલા કોંગ્રેસ સમિતિના પ્રમુખ ગીતાબેન પટેલના આદેશ અનુસાર યોજાયેલા કાર્યક્રમમાં મહિલાઓએ વધતી મોંઘવારી સામે રોષ વ્યક્ત કર્યો હતો.
મોરબી જિલ્લા મહિલા કોંગ્રેસ પ્રમુખ દમયંતીબેન નિરંજનીના માર્ગદર્શન હેઠળ યોજાયેલા કાર્યક્રમમાં ઉપપ્રમુખ શાયરાબેન કડીવાર, વાંકાનેર તાલુકા મહિલા કોંગ્રેસ પ્રમુખ ગીતાબેન, માયનોરિટી સેલના મહિલા પ્રમુખ મોડ જીન્નતબેન તથા પ્રભાબેન સહિત મોટી સંખ્યામાં મહિલા કાર્યકરો ઉપસ્થિત રહ્યા હતા. મોંઘવારીનો મુદ્દો સીધી રીતે સામાન્ય પરિવારના દૈનિક બજેટ સાથે જોડાયેલો હોવાથી રાજકીય પક્ષો માટે પણ મહત્વનો બન્યો છે. ખાસ કરીને રસોડાના ખર્ચ, અનાજ, શાકભાજી, દૂધ તથા અન્ય જીવનજરૂરી ચીજવસ્તુઓના ભાવમાં થતી વધઘટની સીધી અસર મધ્યમ અને શ્રમિક વર્ગના પરિવારોના માસિક ખર્ચ પર પડે છે. મહિલા કોંગ્રેસે આ જ મુદ્દાને કેન્દ્રમાં રાખી સરકાર સામે રાજકીય વિરોધ નોંધાવ્યો છે. જોકે, મોંઘવારીના કારણો અને ભાવવધારા અંગે સરકાર તથા વિપક્ષના દાવાઓ અલગ હોઈ શકે છે. વાંકાનેરમાં યોજાયેલો આ કાર્યક્રમ સ્થાનિક સ્તરે મહિલાઓના સંગઠન અને મોંઘવારીના પ્રશ્નને રાજકીય મુદ્દો બનાવવાના પ્રયાસ તરીકે જોવામાં આવી રહ્યો છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %