સાદગીમાં શાન, ઉર્સમાં ઉન્નતિ: મીઠીરોહરનો ઉર્સ આપે એકતા, સહકાર અને ઈન્સાનિયતનો જીવંત સંદેશ

સદામ બાપુ સૈયદ ગાંધીધામ
:ગાંધીધામ તાલુકાના મીઠીરોહર ગામે બિરાજમાન પીર હઝરત અબ્દુલકાદર પીર (ર.અ.) નો ઉર્સ મુબારક માત્ર એક ધાર્મિક પ્રસંગ નથી,પરંતુ સમાજને દિશા આપતો એક જીવંત સંદેશ છે. દર વર્ષે પરંપરાગત ભવ્યતા સાથે ઉજવાતો આ ઉર્સ, આ વર્ષે ગાદીનશીન સૈયદ હાજી અલ્હાજ અબ્દુલકાદર બાપુના માર્ગદર્શન હેઠળ સાદગી, સંયમ અને સામાજિક સંવેદનશીલતા સાથે ઉજવવાનો લેવાયેલો નિર્ણય આજના સમય માટે ખૂબ જ પ્રાસંગિક અને પ્રશંસનીય છે.આ નિર્ણય એ સાબિત કરે છે કે ધર્મ માત્ર દેખાવ કે ખર્ચાળ વ્યવસ્થાનો વિષય નથી, પરંતુ ભાવના, વિચાર અને સમાજ પ્રત્યેની જવાબદારી છે.

ઉર્સ નિમિત્તે માત્ર મદ્રેસાના નાના બાળકો માટે નિયાઝનું આયોજન કરવું એ ઇબાદતને સામાજિક સેવા સાથે જોડતો એક ઉત્તમ દાખલો છે. બાળકોના ભવિષ્યમાં રોકાણ કરવું એ જ સાચી સદકાહ છે—આ સંદેશ ઉર્સ દ્વારા મજબૂતીથી પ્રસ્થાપિત થાય છે.બહારગામથી આવતા ભાઈઓને પોતાના-પોતાના ઘરે ફાતિહા અને નિયાઝ કરવા કરાયેલ અપીલ સમાજમાં સહકાર, સમજણ અને પરસ્પર વિશ્વાસનું સુંદર પ્રતિબિંબ છે. આથી એક તરફ અનાવશ્યક ભીડ ટળે છે, તો બીજી તરફ દરેક ઘર ઉર્સની બરકતથી રોશન થાય છે. આ વિચારધારા એ બતાવે છે કે ઇસ્લામ દેખાડાનો નહીં, પરંતુ નીતિ અને નમ્રતાનો ધર્મ છે.
ઉર્સ દરમિયાન યોજાનારી ધાર્મિક તકરીરો પણ આ જ મૂલ્યોને ઉજાગર કરશે—ઇસ્લામ શાંતિ, એકતા, પ્રેમ અને ભાઈચારાનો ધર્મ છે. હિન્દુ-મુસ્લિમ સહીત તમામ બિરાદરોને સાથે રાખીને આપવામાં આવેલ સંદેશ ગંગા-જમુની સંસ્કૃતિને જીવંત રાખે છે, જે ભારતની સાચી ઓળખ છે.
આજના સમયમાં જ્યારે સમાજમાં વિભાજન, સ્પર્ધા અને સ્વાર્થ વધી રહ્યો છે, ત્યારે મીઠીરોહરનો આ ઉર્સ આપણને યાદ અપાવે છે કે સાદગીમાં પણ શાન હોય છે, અને એકતામાં જ સમાજની સાચી તાકાત છુપાયેલી છે.
આવો, ઉર્સ મુબારકને માત્ર એક પરંપરાગત ઉજવણી તરીકે નહીં, પરંતુ એકતા, સંયમ, સહકાર અને ઈન્સાનિયતના સંકલ્પ તરીકે સ્વીકારીએ. મીઠીરોહરનો આ સંદેશ માત્ર એક ગામ પૂરતો નથી, પરંતુ સમગ્ર સમાજ માટે પ્રેરણાસ્રોત છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %