વેગડવાવ રેલવે ફાટક બન્યું પ્રજાની મુશ્કેલીનું કેન્દ્ર: ગ્રામ્ય વિસ્તારોના લોકોમાં વધતો રોષ

રિપોર્ટ : સંજય નંદેસરીયા હળવદ: હળવદ તાલુકાના ગ્રામ્ય વિસ્તારના હજારો લોકો માટે વેગડવાવ રેલવે ફાટક લાંબા સમયથી માથાનો દુખાવો બન્યું હોવાનું સ્થાનિકોમાં ચર્ચાઈ રહ્યું છે. વેગડવાવ, બુટવડા, માલણીયાદ, મંગળપર, રણમલપુર, ઘનશ્યામગઢ, અમરાપર, મિયાણી, ટીકર, અજીતગઢ, માનગઢ, ઘાટીલા, ખોડ, કીડી, જોગડ, ગણેશપુર અને પ્રકાશનગર સહિતના અનેક ગામોના રહેવાસીઓ રોજિંદા કામકાજ માટે હળવદ શહેરમાં આવતા હોય છે.

સ્થાનિકોના જણાવ્યા મુજબ, રેલવે ફાટક લાંબા સમય સુધી બંધ રહેવાના કારણે વાહનચાલકોને ભારે વિલંબનો સામનો કરવો પડે છે. લગ્ન પ્રસંગોની ખરીદી, ઘરવખરીના સામાનની ખરીદી, વેપાર-ધંધા, સરકારી કચેરીઓના કામકાજ તેમજ આરોગ્ય સેવાઓ માટે આવતા ગ્રામજનોને સમય અને ઇંધણ બંનેનો વધારાનો બોજ સહન કરવો પડે છે.ગ્રામ્ય વિસ્તારના લોકોમાં એવી લાગણી જોવા મળી રહી છે કે સમસ્યા વર્ષોથી યથાવત હોવા છતાં તેના કાયમી ઉકેલ માટે પૂરતા પ્રયાસો થયા નથી. કેટલાક લોકો ફાટક ઉપર ઓવરબ્રિજ અથવા અન્ડરપાસ જેવી સુવિધાની માંગ કરી રહ્યા છે જેથી વાહન વ્યવહાર વધુ સરળ બની શકે. ધારાધોરણ અને જવાબદારીનો મુદ્દો
રેલવે ફાટકો પર સલામતી જાળવવી રેલવે તંત્રની પ્રાથમિક જવાબદારી છે, પરંતુ જાહેર સુવિધા અને ટ્રાફિક વ્યવસ્થાપન માટે સ્થાનિક વહીવટી તંત્ર અને જનપ્રતિનિધિઓની પણ મહત્વપૂર્ણ ભૂમિકા રહે છે. જાહેર માળખાકીય સુવિધાઓના વિકાસ માટે રાજ્ય સરકાર, સ્થાનિક સ્વરાજ્ય સંસ્થાઓ અને રેલવે વિભાગ વચ્ચે સંકલન જરૂરી માનવામાં આવે છે.પ્રજાની અપેક્ષા સ્થાનિક લોકોનું કહેવું છે

કે માત્ર આશ્વાસનો નહીં પરંતુ સમસ્યાના કાયમી ઉકેલ માટે વાસ્તવિક આયોજન જરૂરી છે. ચોમાસા અને તહેવારોના સમયમાં વાહનોની અવરજવર વધુ વધતી હોવાથી હાલની સ્થિતિ વધુ ગંભીર બની શકે છે. હવે પ્રશ્ન એ છે કે ગ્રામ્ય વિસ્તારના હજારો લોકોને અસર કરતી આ સમસ્યાનો ઉકેલ લાવવા માટે સંબંધિત તંત્ર અને જનપ્રતિનિધિઓ કેટલા સક્રિય બને છે તે આવનારા સમયમાં જોવાનું રહેશે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %