કાયદેસર દેવું સાબિત ન થતાં ચેક બાઉન્સ કેસમાં આરોપી નિર્દોષવાંકાનેર કોર્ટનો મહત્વનો ચુકાદો

0 0

વાંકાનેરની અદાલતે નેગોશિયેબલ ઇન્સ્ટ્રુમેન્ટ એક્ટની કલમ-138 હેઠળના ચેક બાઉન્સ કેસમાં આરોપી અશરફભાઈ દાઉદભાઈ પીપરવાડિયાને નિર્દોષ જાહેર કરતાં મહત્વપૂર્ણ ચુકાદો આપ્યો છે. અદાલતે સ્પષ્ટ કર્યું કે માત્ર ચેક બાઉન્સ થવું જ ગુનો સાબિત કરવા પૂરતું નથી, પરંતુ તે ચેક કોઈ કાયદેસર અને વસૂલપાત્ર દેવાના બદલામાં આપવામાં આવ્યો હતો તે પણ ફરિયાદીએ વિશ્વસનીય રીતે સાબિત કરવું આવશ્યક છે.કેસ મુજબ ફરિયાદી દ્વારા આરોપીને રૂ. 60,000 ઉછીના આપ્યા હોવાનો અને તેના બદલામાં આપવામાં આવેલ ચેક બેંકમાંથી “Insufficient Funds” કારણસર પરત ફર્યો હોવાનો દાવો કરવામાં આવ્યો હતો. કાયદેસરની નોટિસ છતાં રકમની ચુકવણી ન થતાં અદાલતમાં ફરિયાદ દાખલ કરવામાં આવી હતી.બચાવ પક્ષે દલીલ કરી હતી કે આરોપીએ અગાઉ લીધેલી રકમ વ્યાજ સહિત પરત કરી દીધી હતી અને ફરિયાદી પાસે અગાઉથી રહેલા કોરા ચેકનો દુરુપયોગ કરીને કેસ કરવામાં આવ્યો છે.

બચાવ પક્ષે દૈનિક બચત કાર્ડ સહિતના દસ્તાવેજી પુરાવાઓ રજૂ કરીને પોતાની દલીલોને સમર્થન આપ્યું હતું. કેસની સુનાવણી દરમિયાન બંને પક્ષોના પુરાવા અને જુબાનીઓનું મૂલ્યાંકન કર્યા બાદ અદાલતે નોંધ્યું કે ફરિયાદી કથિત નાણાકીય વ્યવહાર અને બાકી દેવું હોવાનો દાવો પૂરતા દસ્તાવેજી આધાર સાથે સાબિત કરવામાં નિષ્ફળ રહ્યા હતા. સાથે જ બચાવ પક્ષે રજૂ કરેલા સંજોગો અને પુરાવાઓએ ફરિયાદીના દાવા અંગે વાજબી શંકા ઊભી કરી હતી.ચુકાદામાં અદાલતે જણાવ્યું કે કાયદાકીય અનુમાનનો લાભ શરૂઆતમાં ફરિયાદીને મળે છે, પરંતુ આરોપી સંભવિત બચાવ રજૂ કરીને તે અનુમાનને ખંડિત કરી શકે છે. આ કેસમાં બચાવ પક્ષ તે કરવામાં સફળ રહ્યો હોવાનું માની અદાલતે ફરિયાદ ફગાવી દીધી અને આરોપીને નિર્દોષ જાહેર કર્યો.
આરોપી તરફે વકીલ તરીકે એડવોકેટ જમિલાબેન ઇબ્રાહીમભાઈ દલપ્રાએ અસરકારક કાયદાકીય દલીલો અને પુરાવા રજૂ કરીને બચાવ પક્ષનું પ્રતિનિધિત્વ કર્યું હોવાનું જાણવા મળે છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

1 100 %

Sleepy

0 0 %

Angry

0 0 %

Surprise

0 0 %