મોરબી તાલુકા પોલીસની સતર્ક કામગીરી : કોપર વાયર ચોરીના બે ગુના ડીટેક્ટ, લાખોનો મુદ્દામાલ સાથે આરોપીઓ ઝડપાયા

0 0

મોરબી તાલુકા પોલીસ સ્ટેશનની સર્વેલન્સ ટીમે ફરજ પ્રત્યેની પ્રતિબદ્ધતા દર્શાવતા બે અલગ-અલગ કારખાનાઓમાં થયેલી કોપર વાયર ચોરીના અનડીટેક્ટ ગુનાઓનો ભેદ ઉકેલી આરોપીઓને ઝડપવામાં સફળતા મેળવી છે. આ કામગીરી પોલીસ વિભાગ માટે એક મહત્વપૂર્ણ સિદ્ધિ ગણાય છે.રાજકોટ રેન્જના પોલીસ મહાનિરીક્ષક ના માર્ગદર્શન હેઠળ તથા મોરબી જિલ્લા પોલીસ અધિક્ષક અને

નાયબ પોલીસ અધિક્ષકના દિશાનિર્દેશ મુજબ મિલ્કત સંબંધિત ગુનાઓને અટકાવવા અને વણશોધાયેલા ગુનાઓ ઉકેલવા ખાસ અભિયાન હાથ ધરવામાં આવ્યું હતું. જેના અનુસંધાને મોરબી તાલુકા પોલીસ સ્ટેશન દ્વારા સર્વેલન્સ ટીમોની રચના કરી તપાસ તેજ કરવામાં આવી. ટેકનિકલ સર્વેલન્સ અને હ્યૂમન સોર્સના આધારે મળેલી ચોક્કસ બાતમીના આધારે પોલીસે જેતપર રોડ પર સનટોન સિરામીક કારખાનાની સામે કેરમાતા સ્ક્રેપના ડેલા પાસે દરોડો પાડી ચોરીમાં ગયેલો મુદ્દામાલ સાથે ચાર આરોપીઓને ઝડપી પાડ્યા હતા.
પકડાયેલા આરોપીઓમાં એઝાજ ઉર્ફે માથારો આરબ, દિપક ઉર્ફે આયુસ દેવડા, કિશનગીરી ગૌસ્વામી અને ધરમચંદ ગુર્જરનો સમાવેશ થાય છે, જ્યારે એક આરોપી હજુ ફરાર છે અને તેની શોધખોળ ચાલુ છે.પોલીસે આ કાર્યવાહી દરમિયાન કુલ રૂપિયા 3,11,600 જેટલો મુદ્દામાલ જપ્ત કર્યો છે, જેમાં આશરે 321 કિલો કોપર વાયર, એક સ્પ્લેન્ડર મોટરસાયકલ અને એક ઓટોરીક્ષા સામેલ છે.
આ કામગીરી પોલીસ ઇન્સપેકટર એન.એસ. પેટીયાના માર્ગદર્શન હેઠળ પીએસઆઈ સી.એસ. સોંદરવા અને સર્વેલન્સ ટીમ દ્વારા કરવામાં આવી હતી. મોરબી તાલુકા પોલીસની આ કામગીરી દર્શાવે છે કે ટેક્નોલોજી અને માનવ સૂત્રોના સંકલનથી પોલીસ ગુનાઓ ઉકેલવામાં વધુ અસરકારક બની રહી છે. ખાસ કરીને ઉદ્યોગ વિસ્તારોમાં થતી ચોરીઓ સામે કડક પગલાં લેવાતા હોય, તે ઉદ્યોગકારોમાં સુરક્ષાની ભાવના મજબૂત બનાવે છે.
આ ઘટના એ પણ સાબિત કરે છે કે સતત મોનિટરિંગ અને ઝડપી કાર્યવાહીથી અનડીટેક્ટ ગુનાઓને પણ ટૂંકા સમયમાં ઉકેલી શકાય છે, જે કાયદો અને વ્યવસ્થા જાળવવામાં મહત્વપૂર્ણ સાબિત થાય છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %