કોમી એકતાનો અદભૂત ઉત્સવ: આમરણમાં હઝરત દાવલશા પીર સરકારનો ઉર્શ મુબારક ધામધૂમથી ઉજવાશે

0 0

આમરણ ગામે દર વર્ષની જેમ આ વર્ષે પણ હઝરત દાવલશા પીર સરકારનો પવિત્ર ઉર્શ મુબારક અને સંદલ શરીફ ૨૯ એપ્રિલ ૨૦૨૬, બુધવારે, ઇસ્લામી તારીખ ૧૧ ઝિલ્કદે ભવ્ય રીતે ઉજવાશે. આ પવિત્ર પ્રસંગ માત્ર ધાર્મિક ભાવનાનો જ નહીં પરંતુ કોમી એકતા અને ભાઈચારા નો જીવંત દાખલો બની રહ્યો છે. ઈતિહાસ પર નજર કરીએ તો પીર વલી દરગાહો હંમેશાં સમાજમાં શાંતિ, સેવા અને માનવતાના સંદેશ આપતી આવી છે. હઝરત દાવલશા પીર સરકારની દરગાહ પણ એ જ પરંપરાનું પ્રતિબિંબ છે, જ્યાં વર્ષોથી તમામ ધર્મોના લોકો એકત્ર થઈ આશીર્વાદ લેતા આવ્યા છે. ઉર્શનો અર્થ માત્ર સ્મૃતિ દિવસ નહીં, પરંતુ એક આધ્યાત્મિક મિલન અને સુફી સંસ્કૃતિની ઉજવણી છે. આ પ્રસંગે યોજાતા સંદલ શરીફમાં શ્રદ્ધાળુઓ સુગંધિત ચંદન અર્પણ કરી અકીદત વ્યક્ત કરે છે, જ્યારે ન્યાજ-પ્રસાદ અને લંગરમાં સર્વધર્મના લોકો સાથે બેસીને ભોજન લેતા હોય છે, જે સમાનતા અને સહઅસ્તિત્વનું ઉત્તમ પ્રતિક છે.

ખાસ કરીને આમરણ ગામમાં યોજાતા આ ઉર્શ મેળામાં હિંદુ-મુસ્લિમ સમાજની ભવ્ય હાજરી કોમી એકતાને મજબૂત બનાવે છે. મેળામાં મિલાદ શરીફ, કવાલી કાર્યક્રમો અને વિવિધ ધાર્મિક વિધિઓ યોજાઈ શ્રદ્ધાળુઓને આધ્યાત્મિક આનંદમાં ગરકાવ કરી દે છે. સૌરાષ્ટ્ર સહિત સમગ્ર ગુજરાતમાંથી મોટી સંખ્યામાં ભક્તજનો ઉમટી પડતા હોય છે, જેના કારણે ગામમાં એક ઉત્સવમય માહોલ સર્જાય છે.
સ્થાનિક ખાદીમ યાશિન બાપુ બુખારી, જાકીર બાપુ બુખારી અને રહેમાન બાપુ બુખારી દ્વારા કરવામાં આવતી વ્યવસ્થાઓ આ મેળાને વધુ સુવ્યવસ્થિત અને યાદગાર બનાવે છે. આ રીતે, આમરણનો ઉર્શ માત્ર ધાર્મિક કાર્યક્રમ નહીં, પરંતુ સામાજિક સમરસતા, સંસ્કૃતિ અને માનવતાનો જીવંત ઉત્સવ બની રહ્યો છે, જે સમાજને એકતાના સૂત્રમાં બાંધતો અનોખો પર્વ છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %