દિવ્યાંગ તથા માતા-પિતા વિહોણી 51 દીકરીઓના સમૂહ લગ્ન સંપન્ન

સેવા, સંસ્કાર અને સંવેદનાનો સંગમ: ગોકુલધામ, નારમાં અષ્ટમ પાટોત્સવ અને 24મો સમૂહ લગ્ન

સ્વામિનારાયણ ગોકુલધામ, નાર ખાતે આજે અષ્ટમ પાટોત્સવ તથા 24મા સમૂહ લગ્ન સમારંભનું ભવ્ય આયોજન થયું. આ પાવન પ્રસંગે દિવ્યાંગ તથા માતા-પિતા વિહોણી 51 દીકરીઓના સમૂહ લગ્ન સંપન્ન થયા, જે સમાજમાં કરુણા, સહકાર અને સંવેદનાનું જીવંત ઉદાહરણ બન્યા. સાથે જ આત્મનિર્ભરતા માટે 25 વિધવા અને ત્યક્તા બહેનોને સિલાઈ મશીનોનું વિતરણ કરવામાં આવ્યું.
ગોકુલધામ દ્વારા અત્યાર સુધીમાં 23 સમૂહ લગ્ન મારફતે કુલ 684 દીકરીઓનું કન્યાદાન કરવામાં આવ્યું છે, જે સંસ્થાની દીર્ઘકાલીન સેવાભાવનાનો દ્રઢ પુરાવો છે.
પ્રસંગે ઉપસ્થિત સંત-મહાત્માઓએ ગોકુલધામની દિવ્યાંગજન સેવા, અનાથ અને વંચિત દીકરીઓના સમૂહ લગ્ન, વિધવા-ત્યક્તા બહેનોના પુનર્વસન તેમજ આરોગ્ય, શિક્ષણ અને આધ્યાત્મિક ક્ષેત્રે ચાલતી પ્રવૃત્તિઓની પ્રશંસા કરી. તેમણે નવયુગલોને સુખી, સંસ્કારી અને સહયોગી દાંપત્ય જીવન માટે આશીર્વાદ પાઠવ્યા.
આ કાર્યક્રમમાં ગુરુવર્ય મોહનસ્વામી, પ.પૂ. નૌતમ સ્વામી, પ.પૂ. સંતવલ્લભદાસ સ્વામી, પ.પૂ. હરિપ્રકાશદાસજી સ્વામી, પ.પૂ. શુકદેવપ્રસાદદાસજી સ્વામી, પ.પૂ. હરિકેશવદાસજી સ્વામી સહિત અનેક સંતમહાત્માઓની પાવન ઉપસ્થિતિ રહી. દેશ-વિદેશથી મોટી સંખ્યામાં હરિભક્તોએ હાજરી આપી કાર્યક્રમને દિવ્ય બનાવ્યો.

આ પ્રસંગે ગુજરાત રાજ્યના મંત્રી રમણભાઈ સોલંકી, કમલેશભાઈ પટેલ તેમજ સોજિત્રાના ધારાસભ્ય વિપુલભાઈ પટેલ ઉપસ્થિત રહ્યા અને નવયુગલોને આશીર્વાદ પાઠવ્યા. જળયાત્રા, અન્નકૂટ અને મહાયજ્ઞ સહિતના ધાર્મિક કાર્યક્રમોથી સમગ્ર વાતાવરણ સેવા અને સંસ્કારોથી પરિપૂર્ણ બન્યું.

રિપોર્ટ ‌-મંહમદ રફિક જે દિવાન કિસ્મત આણંદ તારાપુર

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %