મોરબીના ગૌરવ સમા ગુરુ – પ્રવિણભાઈ કક્કડની અડધી સદીની શિક્ષણ યાત્રા

Read Time:1 Minute, 46 Second

મોરબી શહેરમાં શિક્ષણ ક્ષેત્રે અનોખું યોગદાન આપનાર પ્રવિણભાઈ કક્કડ આજે અનેક વિદ્યાર્થીઓ માટે પ્રેરણાસ્ત્રોત બની ચૂક્યા છે. તેમની 50 વર્ષની લાંબી શિક્ષણ યાત્રા માત્ર સમયગાળો નથી, પરંતુ સમર્પણ, મહેનત અને સેવા ભાવનાનો ઉત્તમ દાખલો છે. પ્રાઇવેટ ટ્યુશનથી શરૂ થયેલી આ સફરમાં પ્રવિણભાઈએ હજારો વિદ્યાર્થીઓને શિક્ષણ આપ્યું છે. આજે તેમના શિષ્યો દેશ-વિદેશમાં ડૉક્ટર, એન્જિનિયર, શિક્ષક અને સફળ વેપારી તરીકે પોતાનું નામ ઉજાગર કરી રહ્યા છે.

તેમના જીવનમાં પ્રાપ્ત થયેલી સફળતા પ્રવિણભાઈના માર્ગદર્શન અને સંસ્કારોની સાબિતી આપે છે.
પ્રવિણભાઈ કક્કડનો શિક્ષણ પ્રત્યેનો અભિગમ હંમેશા ઊંડો અને મૂલ્ય આધારિત રહ્યો છે. તેઓ માત્ર વિષય જ્ઞાન પૂરતું મર્યાદિત રહ્યા નથી, પરંતુ વિદ્યાર્થીઓમાં સારા સંસ્કાર, સકારાત્મકતા અને જીવનમાં આગળ વધવાની દિશા પણ આપી છે. મોરબી માટે ગૌરવની વાત છે કે આવા ગુરુએ અહીં અનેક જીવન ઘડ્યાં છે. તેમના માટે શિક્ષણ કોઈ વ્યવસાય નહોતું, પરંતુ જીવનભરની સાધના રહી છે. પ્રવિણભાઈ કક્કડ જેવા શિક્ષકો સમાજના સાચા દીવાદાંડી છે, જે પોતાના જ્ઞાનથી પેઢીઓને પ્રકાશિત કરે છે અને મોરબીનું નામ ગૌરવથી ઉજાગર કરે છે.