સિંહની ગર્જના જેવી રફ્તાર અને સેવાનો મિજાજ: વાંકાનેર 108 એ બચાવ્યો 50 વર્ષીય આધેડનો જીવ

વાંકાનેર તા. 02/03/2026 સેવા એ જ પરમો ધર્મ છે’ — આ ઉક્તિને વાંકાનેર 108ની ટીમે ફરી એકવાર સાર્થક કરી બતાવી છે. જ્યારે જીવન અને મોત વચ્ચે માત્ર સેકન્ડોનું અંતર હોય, ત્યારે 108 એમ્બ્યુલન્સ ખરેખર જીવનરક્ષક સાબિત થાય છે.રસ્તામાં સર્જાઈ કટોકટી આજે સવારે 09:11 કલાકે વાંકાનેરના કાલાવડી બોડ પાસેથી ઇમરજન્સી કોલ મળ્યો હતો.50 વર્ષીય અરવિંદભાઈ દામજીભાઈ નડિયાદિત બાઇક પર જઈ રહ્યા હતા ત્યારે અચાનક રસ્તામાં કૂતરું આડું પડતા અકસ્માત સર્જાયો હતો. તેમને માથાના ભાગે ગંભીર ઈજા અને જમણા પગના ઢીંચણમાં ફ્રેક્ચર થતા સ્થિતિ ગંભીર બની હતી. તાત્કાલિક સારવાર માટે તેમને રાજકોટ સિવિલ હોસ્પિટલ ખસેડવા જરૂરી બન્યું.
એમ્બ્યુલન્સમાં જ શરૂ થઈ જંગ જેવી સારવાર એમ્બ્યુલન્સ (GJ36G0218) તુરંત ઘટના સ્થળે પહોંચી ગઈ. EMT પ્રવીણભાઈ મેરે ડૉ. રુચિ મેડમના ટેલિફોનિક માર્ગદર્શન હેઠળ પ્રાથમિક સારવાર શરૂ કરી.

તૂટેલા હાડકાને સ્પ્લિન્ટ સપોર્ટ આપવામાં આવ્યો સતત વાઇટલ મોનિટરિંગ કરવામાં આવ્યું દર્દીની સ્થિતિ સ્થિર રાખવા તાત્કાલિક પગલાં લેવાયા દરેક સેકન્ડ કિંમતી હતો, પણ ટીમે હિંમત અને કુશળતાથી પરિસ્થિતિ કાબૂમાં રાખી.પાયલોટની કુશળતા બની આશીર્વાદ ટ્રાફિકથી ભરચક રસ્તાઓ વચ્ચે પાયલોટ લાલજીભાઈએ અદભૂત કુશળતા દાખવી. જાણે ‘સિંહની ગર્જના’ જેવી ઝડપથી એમ્બ્યુલન્સ રાજકોટ સિવિલ હોસ્પિટલ પહોંચી. સમયસર સારવાર મળતા દર્દીની સ્થિતિ સ્થિર થઈ. ડોક્ટરોએ પણ કરી પ્રશંસા હોસ્પિટલ પહોંચતા ડૉ. આર.એમ. પારીખ મેડમે 108ની ટીમ દ્વારા આપવામાં આવેલી સમયસર અને સચોટ પ્રાથમિક સારવારની પ્રશંસા કરી. તેમણે જણાવ્યું કે સમયસર મળેલી સારવારથી મોટી અનિચ્છનીય પરિસ્થિતિ ટળી શકી. પરિવારજનોની આંખોમાં આભારના આંસુ હતાં. 108ની ટીમે ફરી સાબિત કર્યું કે ફરજ પ્રત્યેની નિષ્ઠા અને માનવતાની ભાવના સાથે કરવામાં આવતી સેવા ખરેખર જીવદાયી બની શકે છે. સંદેશ વાંકાનેર પંથકમાં ઇમરજન્સી 108 એમ્બ્યુલન્સ સેવા ખરેખર આશીર્વાદરૂપ સાબિત થઈ રહી છે. સરકાર દ્વારા શરૂ કરાયેલી આ સેવા માનવ જીવન બચાવવા સતત તત્પર છે.જ્યારે દરેક સેકન્ડ કિંમતી હોય, ત્યારે 108ની તત્પરતા જ માનવતાની સૌથી મોટી જીત બને છે.