રાજકોટ જિલ્લાના બામણબોર ગામે વિજ્ઞાન પ્રદર્શન મેળો: નાનકડા વિદ્યાર્થીઓની મોટી નવીનતા

બામણબોર ગામે આવેલ પ્રાથમિક શાળા નંબર એક ખાતે આજે વિજ્ઞાન પ્રદર્શન મેળાનું ઉત્સાહભેર આયોજન કરવામાં આવ્યું હતું. ધોરણ ૧ થી ૮ સુધીના વિદ્યાર્થીઓએ ઉત્સાહપૂર્વક ભાગ લઈ પોતાના સર્જનાત્મક પ્રયોગો રજૂ કર્યા હતા.વિદ્યાર્થીઓએ આધુનિક ટ્રેક્ટરનું મોડેલ, પાણી શુદ્ધિકરણની સરળ અને ઉપયોગી પદ્ધતિ, તેમજ સોલાર ઉર્જા દ્વારા વીજ ઉત્પાદન જેવા પ્રયોગો રજૂ કરી સૌને આશ્ચર્યચકિત કર્યા હતા. નાનકડા બાળકોમાં રહેલી વૈજ્ઞાનિક વિચારશક્તિ અને ટેકનોલોજી પ્રત્યેનો ઝોક સ્પષ્ટ જોવા મળ્યો હતો.આ પ્રસંગે શિક્ષકમંડળ દ્વારા વિદ્યાર્થીઓને માર્ગદર્શન આપવામાં આવ્યું અને વિજ્ઞાન ક્ષેત્રે આગળ વધવા પ્રેરણા આપવામાં આવી. શિક્ષણના ક્ષેત્રે શબ્દજ્ઞાન સાથે વૈજ્ઞાનિક સંશોધન અને ટેકનોલોજી પ્રત્યે રસ વિકસે તે માટે આ મેળો મહત્વપૂર્ણ સાબિત થયો.

વિદ્યાર્થીઓના આ ઉત્કૃષ્ટ પ્રયત્નોને ગ્રામજનો અને વાલીઓએ પણ બિરદાવ્યા હતા. સમગ્ર કાર્યક્રમ શિક્ષણ અને વિજ્ઞાન પ્રત્યે જાગૃતિ ફેલાવતો સકારાત્મક માહોલ સર્જી ગયો.:- રિપોર્ટ અહેમદાબાદ મિત્ર ન્યુઝબાબુભાઈ ડાભી રાજકોટ