મોરબીમાં ફૂડ શાખાની સઘન ચકાસણી: 56 એકમોનું નિરીક્ષણ, અખાદ્ય સામગ્રી સ્થળ પર જ નાશ

મોરબી મહાનગરપાલિકાની ફૂડ શાખાએ શહેરમાં જાહેર આરોગ્યને ધ્યાનમાં રાખીને 56 હોટલ, રેસ્ટોરન્ટ અને બેકરીમાં અચાનક નિરીક્ષણ હાથ ધર્યું હતું. તપાસ દરમિયાન કેટલાક એકમોમાં ખાદ્ય સુરક્ષા નિયમોના ભંગના બનાવો સામે આવ્યા હતા, જેને પગલે સ્થળ પર જ અખાદ્ય સામગ્રીનો નાશ કરવામાં આવ્યો હતો.ફૂડ શાખાની ટીમ દ્વારા રવાપર રોડ પર આવેલી શિવ પાંવભાજીમાં વાસી ખોરાકનો જથ્થો મળી આવતા તેને તાત્કાલિક નાશ કરાયો હતો. ઉપરાંત, રવાપર રોડ પર જ આવેલી વિરાટ પાંવ ભાજી અને ગુરુકૃપા પાંવભાજીમાં ખાદ્ય પદાર્થોમાં વધુ પડતો અખાદ્ય કલર જોવા મળતા સંબંધિત સામગ્રીનો સ્થળ પર જ નાશ કરવામાં આવ્યો હતો.તે જ રીતે રવાપર રોડ પર આવેલી ભવાની સ્વીટમાંથી એક્સપાયરી ડેટ પૂર્ણ થયેલા ખાદ્ય પદાર્થો મળી આવતા તેને પણ નિયમ મુજબ નષ્ટ કરવામાં આવ્યા હતા.

કાયદાકીય માર્ગદર્શન:-ખાદ્ય પદાર્થોના ઉત્પાદન, સંગ્રહ અને વેચાણ અંગેના નિયમો Food Safety and Standards Authority of India (FSSAI) દ્વારા નક્કી કરવામાં આવ્યા છે. Food Safety and Standards Act, 2006 મુજબ:અખાદ્ય, વાસી અથવા એક્સપાયરી પદાર્થોનું વેચાણ દંડનીય ગુનો છે.
ખાદ્ય પદાર્થોમાં અયોગ્ય અથવા પ્રતિબંધિત કલરનો ઉપયોગ કાયદેસર ગુનો ગણાય છે.
નિયમોના ઉલ્લંઘન બદલ દંડ, લાયસન્સ સસ્પેન્શન અથવા રદ કરવાની કાર્યવાહી થઈ શકે છે.
મહાનગરપાલિકાની ફૂડ શાખાએ જણાવ્યું છે કે આગામી સમયમાં ચેકિંગ કામગીરી વધુ સઘન બનાવવામાં આવશે અને નિયમ ભંગ કરતા એકમો સામે કડક કાયદાકીય પગલાં લેવાશે.:-જાહેર આરોગ્ય માટે સંદેશ
નાગરિકોને પણ ખરીદી સમયે ખાદ્ય પદાર્થોની ગુણવત્તા, પેકિંગ અને એક્સપાયરી ડેટ તપાસવાની સલાહ આપવામાં આવી છે. ખાદ્ય સુરક્ષા જાળવવામાં વેપારીઓ અને ગ્રાહકો બંનેની જવાબદારી મહત્વપૂર્ણ ગણાય છે.મોરબીમાં હાથ ધરાયેલી આ કામગીરીને જાહેર આરોગ્યની દિશામાં સકારાત્મક પગલું માનવામાં આવી રહ્યું છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %