મોરબીમાં ઝઘડાની ઘટના: એકતા અને સમજણથી સમાજ મજબૂત બનાવીએ

મોરબી તાલુકાના મકનસર ગામના યુવક દ્વારા રફાળેશ્વર મેળામાં થયેલી માથાકૂટ અંગે પોલીસ ફરીયાદ નોંધાઈ છે. મળતી માહિતી મુજબ, મેળામાં મસ્તી દરમ્યાન ઉશ્કેરાટથી શરૂ થયેલો વિવાદ ઝઘડામાં ફેરવાયો હતો. યુવક અને તેના ભાઈને માર મારવામાં આવ્યો તેમજ છરી બતાવી ધમકી આપવામાં આવી હોવાનો આક્ષેપ છે. પોલીસે ફરીયાદના આધારે હથિયારબંધ જાહેરનામા ભંગ હેઠળ ગુનો નોંધી કાયદેસરની કાર્યવાહી હાથ ધરી છે.આવી ઘટનાઓ સમાજ માટે ચિંતાજનક છે. પરંતુ દરેક વિવાદનો ઉકેલ ઝઘડો કે કાયદાકીય કાર્યવાહી જ હોય એવું નથી. નાના મતભેદોને સમજણ અને સંવાદથી પણ ઉકેલી શકાય છે.ઝઘડા નહીં, એકતા તરફ આગળ વધીએ નાની-મોટી ભૂલોને માફ કરવી શીખીએ.એક મિનિટનો ક્રોધ વર્ષો જૂના સંબંધોને તોડી શકે છે.ઈગો છોડીને “આઈ એમ સમથીંગ” જેવી માનસિકતા બદલી “વી આર ટુગેધર” તરફ વધીએ.ધંધા-વેપાર અને પરિવારિક સંબંધોમાં સહકાર અને સંવાદ જ સફળતાની ચાવી છે.બાળકોની નાની ભૂલમાં મોટાઓએ સંયમ રાખવો જોઈએ.આજકાલ સામાન્ય બાબતોમાં પણ વાત પોલીસ સ્ટેશન અને કોર્ટ સુધી પહોંચી જાય છે. પરિણામે વર્ષો સુધી કેસ પેન્ડિંગ રહે છે અને બંને પક્ષનો સમય, પૈસા અને માનસિક શાંતિ બગડે છે.સમાજ માટે સંદેશ
ઝગડા-કજિયાથી કોઈનું કલ્યાણ થતું નથી. એકતા, સહનશીલતા અને પરસ્પર સન્માનથી જ સમાજ મજબૂત બને છે. ચાલો, મતભેદોને વાતચીતથી ઉકેલી પ્રગતિ તરફ વળાંક આપીએ અને પરિવાર તથા સમાજમાં પ્રેમ અને એકતાનો દીવો પ્રગટાવીએ.