માળીયા મીયાણા પંથકમાં પર્યાવરણ સુરક્ષા માટે જાગૃતિ: ખેડૂત અને માલધારીઓની ચિંતા વચ્ચે તંત્ર સક્રિય થવાની માંગ

અહેમદાબાદ મિત્ર ન્યુઝ રિપોર્ટ ઈકબાલ સાંઇચા માળીયા (મી.)

મોરબી જિલ્લાના માળીયા મીયાણા પંથકના ગ્રામ્ય વિસ્તારોમાં છેલ્લા કેટલાક સમયથી એક ગંભીર પરિસ્થિતિ સામે આવી રહી છે. મોટા દહીસરા ગામની આસપાસ આવેલી કેટલીક ખાનગી ફેક્ટરીઓ દ્વારા દુર્ગંધયુક્ત કેમિકલના કદડા છોડાતા હોવાના આક્ષેપોથી સ્થાનિક ખેડૂત અને માલધારીઓમાં ભયનો માહોલ સર્જાયો છે.
સ્થાનિક લોકો જણાવે છે કે આ દુર્ગંધયુક્ત ધુમાડો અને રસાયણિક કણો પાક અને પશુધન માટે હાનિકારક સાબિત થઈ શકે છે. ખેતીપ્રધાન વિસ્તારમાં આવું પ્રદૂષણ ઉભું થવાથી જમીનની ઉપજ ક્ષમતા અને પશુઓના આરોગ્ય પર પણ પ્રતિકૂળ અસર થવાની શક્યતા છે. હાઈવે સુધી ફેલાતી આ દુર્ગંધને કારણે વાહનચાલકો અને રાહદારીઓ માટે પણ આરોગ્ય જોખમ ઉભું થતું હોવાનું અનુભવું થાય છે.પરંતુ સાથે સાથે ગ્રામજનોમાં પર્યાવરણ પ્રત્યે જાગૃતિ પણ વધી રહી છે. ખેડૂત અને માલધારીઓએ સંયમપૂર્ણ રીતે તંત્રને રજૂઆત કરી પરિસ્થિતિનું વૈજ્ઞાનિક નિરીક્ષણ કરી યોગ્ય કાર્યવાહી કરવાની માંગ ઉઠાવી છે.સ્થાનિક આગેવાનોનું કહેવું છે કે જો સમયસર તપાસ અને નિયંત્રણાત્મક પગલાં લેવાશે તો પર્યાવરણ અને ખેતી બંનેનું રક્ષણ શક્ય બનશે.

તંત્ર દ્વારા પ્રદૂષણ નિયંત્રણ માટે કડક નિયમો લાગુ કરી ફેક્ટરીઓને જવાબદારીપૂર્ણ વર્તન માટે દિશા આપવામાં આવે તો ગ્રામ્ય વિસ્તાર ફરી સ્વચ્છ અને સુરક્ષિત બની શકે છે.
આ સમગ્ર મુદ્દે સકારાત્મક અભિગમ અપનાવી તંત્ર, ઉદ્યોગ અને ગ્રામજનો વચ્ચે સંવાદથી ઉકેલ આવે તેવી લોકોમાં આશા વ્યક્ત થઈ રહી છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %