નોકરીની લાલચમાં સોશિયલ મીડિયા ફ્રોડનો ફંદો!

0 0

એરફોર્સમાં નોકરી અપાવવાના નામે પોણા બે લાખની ઠગાઈ,

રાજકોટમાં ફેક આઈડીથી ‘સૂર્યકિરણ’ ટીમના લીડરની ઓળખ આપનાર ઝડપાયો સોશિયલ મીડિયા પર નોકરીની લાલચ આપી છેતરપિંડીના બનાવો સામે આવી રહ્યા હોવા છતાં લોકો હજુ પણ અજાણી પ્રોફાઇલ અને ખોટી ઓફરોના ભરોસે આર્થિક નુકસાન ભોગવી રહ્યા છે. રાજકોટમાં ઈન્સ્ટાગ્રામ મારફતે ભારતીય વાયુસેનાની પ્રખ્યાત ‘સૂર્યકિરણ એરોબેટિક ટીમ’ના લીડર તરીકે ખોટી ઓળખ આપી એક યુવકને એરફોર્સમાં નોકરી અપાવવાની લાલચ આપવામાં આવી હતી. વિશ્વાસમાં લીધા બાદ આરોપીએ યુવક પાસેથી અંદાજે પોણા બે લાખ રૂપિયા પડાવ્યા હોવાનો આક્ષેપ છે. ફરિયાદના આધારે ગાંધીગ્રામ-૨ પોલીસે ટેકનિકલ તપાસ સહિતની કામગીરી હાથ ધરી આરોપીને ઝડપી પાડ્યો છે. પોલીસની કાર્યવાહીથી સોશિયલ મીડિયા મારફતે છેતરપિંડી આચરતા તત્વોને ચેતવણી મળી છે. બીજી તરફ, નાગરિકોએ નોકરી, સરકારી ભરતી કે કોઈપણ ઓફર માટે સોશિયલ મીડિયા પર મળતી અજાણી વ્યક્તિની વાતમાં આવી પૈસા ન આપવા અને સત્તાવાર માધ્યમથી ચકાસણી કરવાની જરૂર છે. લાલચ કરતાં સાવચેતી અને શંકાસ્પદ વ્યવહારની તાત્કાલિક જાણ—સાયબર છેતરપિંડીથી બચવાનો શ્રેષ્ઠ ઉપાય છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %