ગુજરાતમાં કોંગ્રેસનું ‘મિશન 2027’ નવા પ્રભારી

0 0

સુરજે વાલા ની એન્ટ્રીથી સંગઠન સક્રિય કરવાની કવાયત

અમદાવાદ : ગુજરાત કોંગ્રેસના નવા પ્રભારી રણદીપ સુરજેવાલા ની પ્રથમ ગુજરાત મુલાકાતને આગામી 2027ની વિધાનસભા ચૂંટણીની તૈયારીના સંદર્ભમાં મહત્વપૂર્ણ રાજકીય પગલું માનવામાં આવી રહ્યું છે. અમદાવાદ પહોંચેલા સુરજેવાલા એ કોંગ્રેસના કાર્યકરો સાથે મુલાકાત કરી સંગઠનને વધુ મજબૂત બનાવવા પર ભાર મૂક્યો અને ગુજરાતને કોંગ્રેસ માટે માત્ર એક પ્રાંત નહીં પરંતુ પ્રેરણાસ્ત્રોત ગણાવ્યું. હાલ ગુજરાતમાં ભાજપ અને કોંગ્રેસ બંને તરફથી 2027ની ચૂંટણીને ધ્યાનમાં રાખીને સંગઠનાત્મક ગતિવિધિઓ તેજ બની રહી છે. કોંગ્રેસે સુરજેવાલાને ગુજરાતની જવાબદારી સોંપી છે ત્યારે તેમની સામે સૌથી મોટો પડકાર પક્ષના આંતરિક મતભેદોને ઘટાડીને કાર્યકરોને એકસૂત્રમાં બાંધવાનો અને મેદાની સંગઠનને ફરી સક્રિય કરવાનો રહેશે. તાજેતરના અહેવાલોમાં પણ કોંગ્રેસ દ્વારા કેન્દ્રીય સ્તરે ગુજરાત માટે ચૂંટણી રણનીતિ ઘડાઈ રહી હોવાનું સામે આવ્યું છે.

રાજકીય રીતે જોવામાં આવે તો સુરજેવાલાની મુલાકાત માત્ર કાર્યકરો સાથેની ઔપચારિક બેઠક પૂરતી મર્યાદિત નથી. કોંગ્રેસ માટે ગુજરાત લાંબા સમયથી પડકારરૂપ રાજ્ય રહ્યું છે. આવી સ્થિતિમાં બૂથ સ્તરે સંગઠન, સ્થાનિક પ્રશ્નો, યુવા-ખેડૂત-મધ્યમવર્ગના મુદ્દા અને કાર્યકરોની સક્રિયતા આગામી ચૂંટણીમાં પક્ષની દિશા નક્કી કરી શકે છે. સુરજેવાલાએ કાર્યકરો સાથે મળીને ગુજરાતનો માર્ગ સશક્ત બનાવવાની વાત કરી છે ત્યારે હવે આ નિવેદનનું વાસ્તવિક રાજકીય પરીક્ષણ મેદાનમાં સંગઠન કેટલું મજબૂત બને છે અને કોંગ્રેસ મતદારો સુધી કેટલા અસરકારક રીતે પહોંચે છે તેના પર નિર્ભર રહેશે. એટલે સુરજેવાલાની ગુજરાત એન્ટ્રીને કોંગ્રેસના ‘સંગઠન પુનઃનિર્માણ’ના પ્રારંભિક સંકેત તરીકે જોવામાં આવી રહી છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %