સાઇબર જાગૃતિથી બચી શકીએ ઠગાઈથી : ટ્રેડિંગના નામે 53.70 લાખની છેતરપિંડી પછી સાવચેત બનવાનો સંદેશ

અમદાવાદના ચાંદખેડા વિસ્તારમાં રહેતા એક નિવૃત્ત વૃદ્ધને સાઇબર ગઠિયાઓએ ઓનલાઈન ટ્રેડિંગમાં ઊંચો નફો આપવાની લાલચ આપી અંદાજે રૂ. 53.70 લાખની છેતરપિંડી કરી હોવાનું સામે આવ્યું છે. શરૂઆતમાં નાની રકમ પર નફો બતાવી વિશ્વાસ જીત્યા બાદ આરોપીઓએ ધીમે ધીમે મોટી રકમ ટ્રાન્સફર કરાવી હતી.
ઘટના પ્રકાશમાં આવતા જ પીડિત પરિવાર દ્વારા સાઇબર ક્રાઇમ સેલમાં ફરિયાદ નોંધાવવામાં આવી છે. પોલીસ દ્વારા તાત્કાલિક બેંક એકાઉન્ટ ટ્રેસિંગ, ટ્રાન્ઝેક્શન ફ્રીઝ કરવાની કાર્યવાહી હાથ ધરવામાં આવી છે. સાયબર સેલ અધિકારીઓએ નાગરિકોને અનધિકૃત એપ્લિકેશન, અજાણ્યા લિંક અને સોશિયલ મીડિયા પર મળતા ટ્રેડિંગ ઓફરો થી દૂર રહેવા અપીલ કરી છે.
આ ઘટનાએ એક મહત્વપૂર્ણ સંદેશ આપ્યો છે કે —
ઊંચા નફાની લાલચથી સાવચેત રહેવું
(૧) SEBI નોંધાયેલ પ્લેટફોર્મ પર જ રોકાણ કરવું
(૨) અજાણ્યા વ્યક્તિને OTP, બેંક વિગત ક્યારેય ન આપવી
(૩) 1930 સાઇબર હેલ્પલાઇન પર તાત્કાલિક જાણ કરવી
તાજેતરમાં સાઇબર ગુનાઓમાં વધારો જોવા મળતા સરકાર અને પોલીસ તંત્ર દ્વારા જાગૃતિ અભિયાન તેજ બનાવવામાં આવ્યા છે. નાગરિકોની સચેતતા અને સમયસર ફરિયાદથી આવી ઠગાઈઓ અટકાવી શકાય છે.
સાવચેતી અને સમજદારી જ આજના ડિજિટલ યુગમાં સૌથી મોટી સુરક્ષા છે.