સાસુ-વહુ મા-દીકરી સમાન પ્રેમથી રહે તો ઘર બને સ્વર્ગ

0 0

આધુનિક યુગમાં વધતા પારિવારિક વિવાદો વચ્ચે સંબંધોમાં સંવાદ અને સંસ્કારની જરૂરિયાત

રિપોર્ટ આરીફ દિવાન મોરબી :આધુનિક જીવનશૈલી, વ્યસ્ત દિનચર્યા, આર્થિક દબાણ, અહંકાર, અપેક્ષાઓ અને પરસ્પર સંવાદના અભાવે આજે અનેક પરિવારોમાં નાના મતભેદો મોટા વિવાદોમાં પરિવર્તિત થઈ રહ્યા છે. સાસુ-વહુ, પતિ-પત્ની, સસરા, નણંદ સહિતના સંબંધોમાં વધતી કડવાશના કારણે પોલીસ મથકો, મહિલા હેલ્પલાઇન અને કોર્ટ સુધી ફરિયાદો પહોંચતી જોવા મળે છે. આવા વિવાદો માત્ર બે વ્યક્તિઓ વચ્ચે જ નહીં, પરંતુ સમગ્ર પરિવારની એકતા અને બાળકોના ભવિષ્ય પર પણ અસર કરે છે.સમાજમાં એવા અનેક પરિવારો પણ છે જ્યાં સાસુ વહુને દીકરી સમાન સ્નેહ આપે છે અને વહુ સાસુને માતાનું સ્થાન આપે છે. આવા ઘરોમાં પ્રેમ, વિશ્વાસ, પરસ્પર સન્માન અને સહકારનું વાતાવરણ રહે છે. જ્યાં દરેક સભ્ય એકબીજાની લાગણીઓનું માન રાખે છે, ત્યાં ઘર સાચા અર્થમાં સ્વર્ગ સમાન બની જાય છે.નિષ્ણાતોના મત મુજબ પારિવારિક વિવાદોનું મુખ્ય કારણ સંવાદનો અભાવ, ગેરસમજ, અતિશય અપેક્ષાઓ અને સોશિયલ મીડિયાના વધતા પ્રભાવને પણ માનવામાં આવે છે. મતભેદ થવો સ્વાભાવિક છે, પરંતુ સમયસર ચર્ચા, ધીરજ અને સમજદારીથી તેનો ઉકેલ લાવવામાં આવે તો મોટાભાગના વિવાદો ટાળી શકાય છે.

સમાજના આગેવાનોનું પણ માનવું છે કે પરિવાર એ સમાજનું મૂળ એકમ છે. જો પરિવારમાં પ્રેમ, વિશ્વાસ અને સંસ્કાર જળવાઈ રહે તો સમાજ પણ સુખી અને મજબૂત બને. પોલીસ કે કોર્ટ સુધી પહોંચે તે પહેલાં પરિવારના વડીલો, સગાસંબંધીઓ અથવા સમાજના જવાબદાર લોકોની મધ્યસ્થીથી પ્રશ્નોનો ઉકેલ લાવવાનો પ્રયાસ થવો જોઈએ.
આજના સમયમાં ભૌતિક સુખ-સુવિધાઓ કરતાં વધુ મહત્વ પરસ્પર વિશ્વાસ, સ્નેહ અને માનવતાનું છે. સાસુ-વહુ, પતિ-પત્ની અને પરિવારના દરેક સભ્ય જો એકબીજાને સમજવાનો પ્રયાસ કરે, સન્માન આપે અને પ્રેમથી સાથે રહે, તો દરેક ઘર સુખ, શાંતિ અને સમૃદ્ધિનું કેન્દ્ર બની શકે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %