શાંતિ સમિતિ બેઠક અને ફૂટ પેટ્રોલિંગથી સુરક્ષા, સૌહાર્દ અને કોમી એકતાનો મજબૂત સંદેશ

0 0

આરીફ દિવાન મોરબી:ચોટીલા, ગતતા. 23 જૂન આગામી પવિત્ર મહોરમ-તાજિયા પર્વને શાંતિપૂર્ણ, સુરક્ષિત અને સૌહાર્દપૂર્ણ વાતાવરણમાં ઉજવવા માટે ચોટીલા પોલીસ દ્વારા વ્યાપક તૈયારીઓ હાથ ધરવામાં આવી છે. પોલીસ અધિક્ષક પ્રેમસુખ ડેલુ (IPS)ના માર્ગદર્શન હેઠળ નાયબ પોલીસ અધિક્ષક એસ.એસ. ભદોરિયા તથા પોલીસ ઇન્સ્પેક્ટર જે.એમ. સોલંકીના નેતૃત્વમાં શાંતિ સમિતિની બેઠક તેમજ શહેરના વિવિધ વિસ્તારોમાં સઘન ફૂટ પેટ્રોલિંગનું આયોજન કરવામાં આવ્યું હતું. ચોટીલા પોલીસ સ્ટેશન ખાતે યોજાયેલી શાંતિ સમિતિની બેઠકમાં સ્થાનિક આગેવાનો, સમાજના પ્રતિનિધિઓ અને વિવિધ સમુદાયોના સભ્યો ઉપસ્થિત રહ્યા હતા. બેઠક દરમિયાન તાજિયા પર્વની પરંપરાગત, શાંતિપૂર્ણ અને ઉત્સાહભેર ઉજવણી થાય તે માટે જરૂરી માર્ગદર્શન આપવામાં આવ્યું હતું. સાથે જ સોશિયલ મીડિયા પર ફેલાતી અફવાઓથી સાવચેત રહેવા અને કોઈપણ શંકાસ્પદ પ્રવૃત્તિ અંગે તાત્કાલિક પોલીસને જાણ કરવાની અપીલ પણ કરવામાં આવી હતી.

આ ઉપરાંત ચોટીલા શહેરના મુખ્ય માર્ગો, સંવેદનશીલ વિસ્તારો, ભીડભાડવાળા સ્થળો તેમજ તાજિયાના રૂટ પર પોલીસ ટીમ દ્વારા ફૂટ પેટ્રોલિંગ હાથ ધરવામાં આવ્યું હતું. પેટ્રોલિંગ દરમિયાન કાયદો અને વ્યવસ્થાની સ્થિતિનું નિરીક્ષણ કરવામાં આવ્યું તેમજ સુરક્ષા વ્યવસ્થાની સમીક્ષા કરવામાં આવી હતી. આ કામગીરીનો મુખ્ય હેતુ નાગરિકોમાં સુરક્ષાની ભાવના મજબૂત બનાવવાનો અને તહેવાર દરમિયાન શાંતિ, સલામતી તથા કોમી એકતાનું વાતાવરણ જાળવી રાખવાનો રહ્યો હતો.
ચોટીલા પોલીસની આગોતરી અને સક્રિય કામગીરીથી સ્થાનિક નાગરિકોમાં વિશ્વાસ અને સુરક્ષાની લાગણી વધુ મજબૂત બની છે. શાંતિ સમિતિની બેઠક અને ફૂટ પેટ્રોલિંગ જેવા આયોજન માત્ર કાયદો-વ્યવસ્થા જાળવવા પૂરતા નથી, પરંતુ સમાજમાં ભાઈચારો, પરસ્પર વિશ્વાસ અને સામાજિક સમરસતાના મૂલ્યોને વધુ મજબૂત બનાવતા મહત્વપૂર્ણ પ્રયાસો તરીકે પણ સાબિત થઈ રહ્યા છે. તાજિયા પર્વ દરમિયાન શાંતિપૂર્ણ માહોલ જળવાઈ રહે અને દરેક નાગરિક નિર્ભયતાપૂર્વક ધાર્મિક ઉજવણીમાં જોડાઈ શકે તે માટે ચોટીલા પોલીસ સતત સતર્ક રહી કામગીરી કરી રહી છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %