ગેરકાયદે ગેસના ધંધાથી કાળી કમાણીનું સપનું ચકનાચૂર: દરેડમાં મોતનો સામાન વેચતા પહેલા જ પોલીસના જાળમાં ફસાયા

જામનગર નજીક દરેડ વિસ્તારમાં ગેરકાયદે ગેસ રિફિલિંગના કારસ્તાન પર પોલીસે તવાઈ બોલાવતા ફરી એકવાર સાબિત થયું છે કે કાયદાને પડકારીને કમાણી કરવાની લાલચ અંતે જેલના દરવાજા સુધી પહોંચાડે છે. પંચકોશી બી ડિવિઝન પોલીસે બાતમીના આધારે દરોડો પાડી એક શખ્સને ગેસના બાટલા અને રિફિલિંગ માટે વપરાતા સાધનો સાથે ઝડપી પાડી તેની સામે ગુનો નોંધ્યો છે.

પોલીસ તપાસ દરમિયાન સામે આવ્યું કે મોટા ગેસ સિલિન્ડરમાંથી નાના બાટલામાં ગેરકાયદે રીતે ગેસ ટ્રાન્સફર કરવામાં આવતો હતો. સૌથી ચિંતાજનક બાબત એ છે કે સમગ્ર કામગીરી દરમિયાન કોઈપણ પ્રકારના સલામતીના સાધનો કે આગ નિવારણની વ્યવસ્થા ઉપલબ્ધ નહોતી. આવી સ્થિતિમાં એક નાની ભૂલ પણ ભયંકર વિસ્ફોટ સર્જી શકે અને આસપાસના લોકોના જીવ જોખમમાં મૂકી શકે.
છેલ્લા કેટલાક સમયથી દરેડ અને આસપાસના વિસ્તારોમાં ગેરકાયદે ગેસ રિફિલિંગના અનેક કિસ્સાઓ સામે આવી રહ્યા છે. અગાઉ પણ પોલીસ અને એસઓજીએ દરોડા પાડી અનેક બાટલા, રેગ્યુલેટર, પાઇપલાઇન અને અન્ય સાધનો કબજે કર્યા હતા. આ પરથી સ્પષ્ટ થાય છે કે ઝડપી નફાની લાલચમાં કેટલાક તત્વો લોકોના જીવ સાથે ખેલ કરી રહ્યા છે.

આ ઘટનાનું વિશ્લેષણ કરીએ તો બેરોજગારી, ઝડપથી ધનવાન બનવાની માનસિકતા અને કાયદાનો ભય ઘટતો જવો જેવા પરિબળો આવા ગુનાઓને પ્રોત્સાહન આપે છે. પરંતુ કાળી કમાણીનો રસ્તો લાંબો ચાલતો નથી. થોડા પૈસાની લાલચમાં લોકો પોતાનો અને નિર્દોષ નાગરિકોનો જીવ જોખમમાં મૂકે છે, જે કોઈપણ રીતે સ્વીકાર્ય નથી.
પોલીસની સમયસરની કાર્યવાહીથી સંભવિત મોટી દુર્ઘટના ટળી હોવાનું કહી શકાય. જો આવા ગેરકાયદે ગેસ રિફિલિંગ કેન્દ્રો પર કડક અને સતત કાર્યવાહી ચાલુ રહેશે તો માત્ર કાયદાનો ભય જ નહીં પરંતુ સામાન્ય લોકોની સુરક્ષા પણ સુનિશ્ચિત થઈ શકશે. “ગઈ ભેંસ પાણીમાં” જેવી સ્થિતિ સર્જાય તે પહેલાં જ આરોપીઓ પોલીસના હાથે ઝડપાઈ જતા કાળી કમાણીના સપનાઓ પર પાણી ફરી વળ્યું છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %