ગરમીમાં માનવસેવાનું શીતળ છાંયડું: લિયો ક્લબ ઓફ નજરબાગ રોયલનું ઠંડી છાસ વિતરણ અભિયાન

મોરબી: ઉનાળાની કાળઝાળ ગરમી વચ્ચે જ્યાં લોકો તાપથી રાહત મેળવવાના પ્રયાસો કરી રહ્યા છે, ત્યાં યુવાશક્તિ દ્વારા કરવામાં આવતી સેવાકીય પ્રવૃત્તિઓ સમાજ માટે પ્રેરણારૂપ બની રહી છે. આવા જ એક સેવાકીય પ્રયાસ અંતર્ગત Leo Club of Nazarbag Royal દ્વારા મોરબી ખાતે ઠંડી મસાલા દાળ છાસ વિતરણનો કાર્યક્રમ યોજવામાં આવ્યો હતો.

તારીખ 30 મે, 2026ના રોજ સેવા સદન નજીક ફાટક પાસે આયોજિત આ કાર્યક્રમમાં વાહનચાલકો, રાહદારીઓ તેમજ ગરમીથી પરેશાન લોકોને ઠંડી છાસ પીવડાવી રાહત પહોંચાડવાનો પ્રયાસ કરવામાં આવ્યો હતો. ઉનાળાના અંતિમ દિવસોમાં પણ સૂર્યનો પ્રખર તાપ યથાવત રહેતા લોકો માટે આ સેવા ખરેખર શીતળતા સમાન સાબિત થઈ હતી.
લિયો ક્લબ ઓફ નજરબાગ રોયલ માત્ર સામાજિક સંસ્થા નહીં પરંતુ યુવાઓની સેવા, સંવેદના અને સામાજિક જવાબદારીનું જીવંત પ્રતીક બની રહી છે. માનવસેવા, પશુ-પક્ષી સેવા અને પર્યાવરણલક્ષી પ્રવૃત્તિઓને પ્રાધાન્ય આપતી સંસ્થા સમયાંતરે વિવિધ સેવાકીય કાર્યક્રમો યોજી સમાજ પ્રત્યેની પોતાની પ્રતિબદ્ધતા નિભાવી રહી છે.
આ સમગ્ર કાર્યક્રમમાં ક્લબના સેવાભાવી યુવાનો ઉત્સાહપૂર્વક જોડાયા હતા અને ગરમીમાં તરસ્યા લોકોને છાસનું વિતરણ કરી માનવતાની સુગંધ પ્રસરી હતી. સમાજમાં આવી સેવાભાવી પ્રવૃત્તિઓ વધુને વધુ પ્રેરણા આપે છે અને યુવાઓની સકારાત્મક શક્તિને ઉજાગર કરે છે.
તસવીર અહેવાલ: આરિફ દિવાન, મોરબી.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %