દરિયાકાંઠાની સુરક્ષા સાથે રમતગમતનો ઉમંગ: પોરબંદરમાં ઇન્ટર-કોસ્ટલ ડિસ્ટ્રિક્ટ ગેમ્સ 2026નું સફળ આયોજન

પોરબંદર ચોપાટી બીચ ખાતે ગુજરાત રાજ્યના કોસ્ટલ સિક્યુરિટી વિભાગ દ્વારા પ્રથમવાર ઇન્ટર-કોસ્ટલ ડિસ્ટ્રિક્ટ ગેમ્સ 2026નું ભવ્ય આયોજન કરવામાં આવ્યું હતું. આ અનોખા કાર્યક્રમનો મુખ્ય હેતુ કોસ્ટલ પોલીસ કર્મચારીઓમાં ટીમવર્ક, શારીરિક તંદુરસ્તી, ઓપરેશનલ સંકલન અને પરસ્પર સહકારની ભાવનાને વધુ મજબૂત બનાવી દરિયાકાંઠા સુરક્ષા વ્યવસ્થાને વધુ સશક્ત બનાવવાનો હતો. ગુજરાત રાજ્યના ડેપ્યુટી ઇન્સ્પેક્ટર જનરલ ઓફ પોલીસ (DIG), કોસ્ટલ સિક્યુરિટીની કચેરી દ્વારા યોજાયેલા આ કાર્યક્રમમાં કુલ 20 ટીમોએ ઉત્સાહભેર ભાગ લીધો હતો. જેમાં કોસ્ટલ જિલ્લાની પોલીસ યુનિટોની 17 ટીમો તેમજ મરીન ટાસ્ક ફોર્સ (MTF)ની ત્રણ ટીમો સામેલ રહી હતી.

સ્પર્ધામાં બીચ વોલીબોલ, બીચ કબડ્ડી, ટગ ઓફ વોર, દરિયાઈ સ્વિમિંગ અને સી કાયકિંગ જેવી રોમાંચક બીચ તથા વોટર સ્પોર્ટ્સ ઇવેન્ટ્સ યોજાઈ હતી. ખેલાડીઓએ ઉત્સાહ, શિસ્ત અને સહકારની ભાવનાથી રમતોમાં ભાગ લઈ સૌનું ધ્યાન આકર્ષિત કર્યું હતું. પોલીસ અધિક્ષક, કોસ્ટલ સિક્યુરિટી, ગુજરાત સુબોધ માનકરે જણાવ્યું હતું કે, ગુજરાત પોલીસના કોસ્ટલ સિક્યુરિટી વિભાગ દ્વારા આ પ્રકારનો આ પ્રથમ કાર્યક્રમ હતો, જેનો ઉદ્દેશ્ય કર્મચારીઓ વચ્ચે વધુ સારો તાલમેલ અને ટીમ બિલ્ડિંગ વિકસાવી ગુજરાતના દરિયાકાંઠા સુરક્ષા માળખાને વધુ અસરકારક બનાવવાનો છે.

આ કાર્યક્રમનું આયોજન એડિશનલ ડિરેક્ટર જનરલ ઓફ પોલીસ (ATS અને કોસ્ટલ સિક્યુરિટી) શ્રી અમિત કુમાર વિશ્વકર્માના માર્ગદર્શન અને પોલીસ મહાનિર્દેશક (DGP & HoPF) ડૉ. કે.એલ.એન. રાવના નિર્દેશન હેઠળ કરવામાં આવ્યું હતું. વિવિધ સ્પર્ધાઓના વિજેતાઓ આગામી સમયમાં યોજાનારી ફાઇનલ સ્પર્ધામાં ભાગ લેશે અને વિજેતાઓને સન્માનિત કરવામાં આવશે.આ પહેલ માત્ર રમતગમત પૂરતી મર્યાદિત નથી, પરંતુ કોસ્ટલ પોલીસ કર્મચારીઓમાં એકતા, શારીરિક સક્ષમતા અને ઝડપી સંકલનની ભાવનાને મજબૂત બનાવી રાજ્યની દરિયાઈ સુરક્ષાને નવી દિશા આપતી સકારાત્મક પહેલ તરીકે ઉભરી આવી છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %