ચોટીલા-થાનગઢમાં પ્રજાહિત માટે સક્રિય તંત્ર: નાયબ કલેક્ટર મકવાણાની અધ્યક્ષતામાં સમસ્યાઓના ઝડપી નિરાકરણ તરફ પગલાં

રિપોર્ટ: સંજય નંદેશરીયા હળવદ: સુરેન્દ્રનગર જીલ્લા ના ચોટીલા તથા થાનગઢ તાલુકામાં પ્રજાના પ્રશ્નોના સમયસર ઉકેલ માટે તંત્ર એલર્ટ મોડમાં કાર્યરત બન્યું છે. તારીખ ૦૨/૦૫/૨૦૨૬ના રોજ નાયબ કલેક્ટર એચ.ટી. મકવાણા ના અધ્યક્ષ સ્થાને યોજાયેલી સંકલન સહ ફરિયાદ નિવારણ સમિતિ અને પુરવઠા સલાહકાર સમિતિની બેઠકમાં વિવિધ જનસમસ્યાઓને પ્રાથમિકતા આપી ચર્ચા કરવામાં આવી અને સંબંધિત અધિકારીઓને તાત્કાલિક કામગીરી માટે સૂચનાઓ અપાઈ.

બેઠકમાં ખાસ કરીને પીવાના પાણીની તંગી, જર્જરીત પાણીની ટાંકી, ખોટા BPL દાખલાઓ, ટ્રાફિક સમસ્યા અને નેશનલ હાઇવે પર અકસ્માતની સંભાવના વધારતા ગેરકાયદેસર કટઆઉટ જેવા મુદ્દાઓને ગંભીરતાથી લેવામાં આવ્યા. આ પ્રશ્નો માત્ર દૈનિક જીવનને અસર કરતા નથી, પરંતુ પ્રજાની સુરક્ષા અને સુખાકારી સાથે સીધા જોડાયેલા છે.

નાયબ કલેક્ટર મકવાણાએ સ્પષ્ટ સૂચના આપી કે જ્યાં ભૂતકાળમાં ગેરરીતિ થઈ હોય, ત્યાં જવાબદારી નક્કી કરીને કાયદેસરની કાર્યવાહી કરવી જરૂરી છે. ખાસ કરીને ખોટા BPL દાખલાઓ મામલે તપાસ કરીને ગુન્હો નોંધવાનો આદેશ તંત્રની પારદર્શકતા દર્શાવે છે. પુરવઠા વિભાગ અંગે પણ તંત્રએ કડક વલણ અપનાવ્યું છે. રેશન સામગ્રીનો સમયસર વિતરણ, e-KYC પ્રક્રિયા ઝડપી પૂર્ણ કરવી અને ગોડાઉનથી દુકાન સુધી જથ્થો સમયમર્યાદામાં પહોંચે તેની ખાતરી કરવા સૂચનાઓ આપવામાં આવી. આ પગલાં ગરીબ અને જરૂરિયાતમંદ વર્ગ સુધી સરકારી લાભ યોગ્ય રીતે પહોંચે તે માટે મહત્વપૂર્ણ છે. આ બેઠક પરથી સ્પષ્ટ થાય છે કે તંત્ર માત્ર બેઠક સુધી મર્યાદિત નથી, પરંતુ “એક્શન મોડ”માં કાર્યરત છે. પ્રજાના મૂળભૂત પ્રશ્નો – પાણી, રસ્તા, ટ્રાફિક અને રેશન – પર સીધી અસરકારક કામગીરી માટે દિશાનિર્દેશ આપવામાં આવ્યા છે. નાયબ કલેક્ટર મકવાણાની કાર્યશૈલીમાં જવાબદારી, પારદર્શકતા અને તાત્કાલિક નિર્ણયક્ષમતા સ્પષ્ટપણે જોવા મળે છે. આજના સમયમાં ખરેખર એ જ અધિકારી પ્રજાહિતમાં ખરા ઉતરે છે, જે ફક્ત કાગળ પર નહીં પરંતુ મેદાનમાં ઉતરીને સમસ્યાનો ઉકેલ લાવે. ચોટીલા-થાનગઢની આ બેઠક એ દિશામાં એક સકારાત્મક પગલું કહી શકાય.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %