વાંકાનેરમાં માનવતા જીવંત: બિનવારસો મૃતદેહને સન્માનપૂર્વક અંતિમ વિદાય

વાંકાનેર શહેરમાં માનવતાની અનોખી મિસાલરૂપ સેવા કાર્ય ફરી એકવાર ઝળહળી ઉઠ્યું છે. તારીખ 29-04-2026ના રોજ કલકત્તાના પરપ્રાંતિય યુવાનના બિનવારસો મૃતદેહને સન્માનપૂર્વક અંતિમ ક્રિયા આપવાની ભાવનાત્મક અને સેવાભાવી કામગીરી “મચ્છુ કાઠા મુક્તિધામ સેવા સમિતિ” અને “એકતા ગ્રુપ” દ્વારા સંયુક્ત રીતે કરવામાં આવી હતી.
આ સેવાકાર્ય દરમિયાન મૃત્યુ પામેલા યુવાનના પરિવારજનો હાજર રહ્યા હતા અને અજાણ્યા શહેરમાં મળેલી આ માનવતાભીની સેવા જોઈ તેઓ આશ્ચર્યચકિત રહી ગયા હતા. સેવાભાવી કાર્યકરો—મનીષભાઈ, બીપીનભાઈ દોશી, જયેશભાઈ કોઢ, સચિનભાઈ ગોહિલ સહિતની ટીમે જાતિ-જ્ઞાતિના કોઈપણ ભેદભાવ વિના પૂર્ણ શ્રદ્ધા અને સન્માન સાથે અંતિમ વિધિ પૂર્ણ કરી હતી.

આ સમગ્ર ઘટનાએ સાબિત કર્યું કે વાંકાનેરમાં માત્ર વિકાસ જ નહીં પરંતુ માનવતા અને સામાજિક જવાબદારી પણ જીવંત છે. સમાજના અંતિમ પડાવ સુધી કોઈને એકલા ન છોડવાની આ ભાવના ખરેખર પ્રશંસનીય છે.
સ્થાનિક સ્તરે આવી સેવાકીય પ્રવૃત્તિઓ લોકોમાં સહાનુભૂતિ, એકતા અને માનવતા પ્રત્યે વિશ્વાસ વધારવામાં મહત્વપૂર્ણ ભૂમિકા ભજવે છે. “મચ્છુ કાઠા મુક્તિધામ સેવા સમિતિ” અને “એકતા ગ્રુપ”નું આ કાર્ય અન્ય સંસ્થાઓ માટે પણ પ્રેરણારૂપ બની રહ્યું છે. આવા સેવાકાર્યો સમાજમાં માનવ મૂલ્યોને મજબૂત બનાવે છે. આજના સમયમાં જ્યાં લોકો સ્વાર્થમાં વ્યસ્ત છે, ત્યાં આવી નિઃસ્વાર્થ સેવા સમાજને નવી દિશા આપે છે. વાંકાનેરમાં ઉજાગર થતું આ માનવતાનું પ્રતિબિંબ ખરેખર સમાજ માટે ગૌરવની વાત છે.

Aarif B Diwan Phone: 9723563374

Happy

1 100 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %