કચ્છના ગાંધીધામ માં ટ્રાફિક ડ્રાઇવ – 130 વાહનો સામે કાર્યવાહી, ₹55,200 દંડ વસૂલ

અહેમદાબાદ મિત્ર ન્યુઝ રિપોર્ટ સદ્દામ સૈયદ ગાંધીધામ:
ગાંધીધામ સિટી ટ્રાફિક પોલીસ દ્વારા તા. 04/04/2026ના રોજ શહેર વિસ્તારમાં વિશેષ ટ્રાફિક ડ્રાઇવ હાથ ધરવામાં આવી હતી. આ અભિયાન દરમિયાન ફેન્સી નંબર પ્લેટ, નંબર પ્લેટ વગરના વાહનો, ત્રણ સવારી અને લાઇસન્સ વગર વાહન ચલાવતા ચાલકો સામે કાર્યવાહી કરવામાં આવી.
પોલીસ તરફથી મળેલી માહિતી મુજબ, આ કામગીરી દરમિયાન કુલ 130 વાહનો સામે ઈ-ચલાન નોંધાયા હતા અને રૂ. 55,200નો દંડ વસૂલવામાં આવ્યો હતો. સાથે જ 28 જેટલા વાહનો ડિટેઇન કરવામાં આવ્યા હોવાનું જણાવાયું છે. આ ડ્રાઇવ વરિષ્ઠ અધિકારીઓના માર્ગદર્શન હેઠળ સિટી ટ્રાફિક સ્ટાફ દ્વારા હાથ ધરાઈ હતી. પોલીસએ જણાવ્યું હતું કે ટ્રાફિક નિયમોનું પાલન સુનિશ્ચિત કરવા માટે આવું અભિયાન આગલા દિવસોમાં પણ ચાલુ રાખવામાં આવશે.