વાવણીયા ગામે ઈદુલ ફિતર પર્વ સાનંદ અને શાનદાર રીતે ઉજવાયું

માળિયા તાલુકાના વાવણીયા ગામે પવિત્ર ઈસ્લામિક તહેવાર Eid al-Fitr (ઈદુલ ફિતર) ખૂબ જ આસ્થા, શ્રદ્ધા અને ઉત્સાહ સાથે ઉજવાયો હતો. પવિત્ર Ramadan (રમજાન માસ) દરમિયાન સમગ્ર મુસ્લિમ સમાજે ૩૦ દિવસ સુધી રોજા રાખી ભૂખ-પ્યાસનો ત્યાગ કરીને અલ્લાહની બંદગી કરી હતી. રમજાન દરમ્યાન મસ્જિદોમાં પાંચ વેળાની નમાજ સાથે ખાસ તરાવીહ નમાજ અદા કરવામાં આવી હતી અને અલ્લાહ તથા તેમના વલીઓના જિક્ર દ્વારા ઈબાદતનો માહોલ સર્જાયો હતો. 20 માર્ચના રોજ ઈદનો ચાંદ દેખાતા જ “ચાંદ મુબારક” સાથે ખુશીઓનો માહોલ છવાઈ ગયો હતો. ઈદના પવિત્ર દિવસે વહેલી સવારે ગામના મુસ્લિમ ભાઈઓએ ઈદગાહ મસ્જિદ ખાતે ભેગા થઈ ઈદની ખાસ નમાજ (કુતબા સાથે) અદા કરી હતી. નમાજ બાદ એકબીજાને ગળે મળી “ઈદ મુબારક” પાઠવી ભાઈચારો અને એકતાનો સુંદર સંદેશ આપ્યો હતો. આ પ્રસંગે ગામના આગેવાનો અને મુસ્લિમ સમાજના અગ્રણીઓ મોટી સંખ્યામાં હાજર રહ્યા હતા. સમગ્ર વાવણીયા ગામમાં આનંદ અને ધાર્મિક ઉત્સાહનો માહોલ જોવા મળ્યો હતો.

રિપોર્ટ: અહેમદાબાદ મિત્ર ન્યૂઝ, ઈકબાલ સાંઇચા (માળિયા મીયાણા)