યુવા શક્તિ સાથે મોરબી કોંગ્રેસમાં નવી ઊર્જા: ચિરાગ મહેશભાઈ રાચ્છ મહામંત્રી પદે નિયુક્ત

મોરબી શહેરમાં રાજકીય પ્રવૃત્તિઓમાં નવા ઉત્સાહ અને સક્રિયતાનો માહોલ સર્જાયો છે. આવનારી મહાનગરપાલિકા, તાલુકા પંચાયત, જિલ્લા પંચાયત અને નગરપાલિકાની ચૂંટણીઓને ધ્યાનમાં રાખીને વિવિધ રાજકીય પક્ષો પોતાના સંગઠનને વધુ મજબૂત બનાવવા માટે સક્રિય પ્રયાસો કરી રહ્યા છે. આ જ દિશામાં મોરબી જિલ્લા કોંગ્રેસ અધ્યક્ષ કિશોરભાઈ ચીખલીયા તથા શહેર કોંગ્રેસ સમિતિના પ્રમુખ પુષ્પરાજસિંહ જાડેજા દ્વારા યુવા અને સક્રિય કાર્યકર ચિરાગ મહેશભાઈ રાચ્છને મોરબી શહેર કોંગ્રેસ સમિતિના મહામંત્રી તરીકે નિયુક્ત કરવામાં આવ્યા છે. તેમની નિમણૂકને સંગઠનમાં નવી ઊર્જા, ઉત્સાહ અને સકારાત્મક દિશા આપનાર મહત્વપૂર્ણ પગલું તરીકે જોવામાં આવી રહી છે.ચિરાગ મહેશભાઈ રાચ્છ લાંબા સમયથી સામાજિક અને રાજકીય ક્ષેત્રમાં સક્રિય રહી યુવાનો અને કાર્યકરો સાથે સતત જોડાયેલા રહ્યા છે.

તેમની કાર્યશૈલી, સંગઠન પ્રત્યેની લાગણી અને પ્રજાના પ્રશ્નો પ્રત્યેની સંવેદનશીલતા ધ્યાનમાં રાખીને તેમને આ મહત્વપૂર્ણ જવાબદારી સોંપવામાં આવી છે. કોંગ્રેસ પક્ષ દ્વારા ખાસ કરીને યુવા શક્તિને આગળ લાવી સંગઠનને નવી દિશા આપવાનો પ્રયત્ન કરવામાં આવી રહ્યો છે. યુવાનોના ઉત્સાહ અને અનુભવના સમન્વયથી સંગઠનને વધુ મજબૂત બનાવી પ્રજાના પ્રશ્નોને અસરકારક રીતે રજૂ કરવાનો પ્રયાસ થઈ રહ્યો છે. ચિરાગ મહેશભાઈ રાચ્છની નિમણૂકથી શહેરના વિવિધ વિસ્તારોમાં કાર્યકરો વચ્ચે વધુ સક્રિય સંકલન વધશે, પ્રજાલક્ષી મુદ્દાઓને પ્રાથમિકતા મળશે અને પક્ષની વિચારધારાને વધુ વ્યાપક રીતે લોકો સુધી પહોંચાડવામાં સહાય મળશે તેવી આશા વ્યક્ત કરવામાં આવી રહી છે.
આવનારી ચૂંટણીઓના પૃષ્ઠભૂમિમાં કોંગ્રેસ સંગઠન વધુ મજબૂત બની નવી ઊર્જા સાથે કાર્ય કરશે અને જનતા સાથેનો સંપર્ક વધુ ગાઢ બનાવશે તેવી ચર્ચા રાજકીય વર્તુળોમાં જોવા મળી રહી છે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %