મોરબી લોકલ ક્રાઈમ બ્રાન્ચની સતર્કતા: ગણતરીના દિવસોમાં જીવલેણ હુમલાખોરો ઝડપી પાડ્યા

મોરબી શહેરમાં થયેલા જીવલેણ હુમલાના બનાવનો ભેદ ઉકેલીને મોરબી લોકલ ક્રાઈમ બ્રાન્ચ (એલ.સી.બી.)એ ઝડપી અને અસરકારક કામગીરીનું ઉત્તમ ઉદાહરણ પૂરું પાડ્યું છે.
ગત ૧૩ ફેબ્રુઆરીના રોજ લીલાપર-ઘુનડા રોડ પર સિક્યુરિટી ગાર્ડ તરીકે નોકરી કરતા અનિલભાઈ ધનજીભાઈ રાઠોડ પર ત્રણ અજાણ્યા શખ્સોએ હુમલો કર્યો હતો. અનિલભાઈ રાત્રિના સમયે પોતાની ડ્યૂટી પૂર્ણ કરીને મોટરસાયકલ પર ઘરે જઈ રહ્યા હતા ત્યારે

કાળા રંગની નંબર પ્લેટ વગરની સ્પ્લેન્ડર પર આવેલા શખ્સોએ તેમને રોકી છરીના જીવલેણ ઘા ઝીંક્યા હતા. ગંભીર રીતે ઇજાગ્રસ્ત અનિલભાઈને સારવાર માટે ખસેડવામાં આવ્યા હતા અને મામલે મોરબી તાલુકા પોલીસ સ્ટેશનમાં ગુનો નોંધાયો હતો.ઘટનાની ગંભીરતાને ધ્યાનમાં રાખીને મોરબી જિલ્લા પોલીસ અધિક્ષકના માર્ગદર્શન હેઠળ એલ.સી.બી.ની ટીમે તાત્કાલિક તપાસ શરૂ કરી હતી. ટેકનિકલ સેલની મદદ અને સીસીટીવી ફૂટેજના સૂક્ષ્મ વિશ્લેષણના આધારે શંકાસ્પદ હિલચાલ પર નજર રાખવામાં આવી. સતત મોનિટરિંગ અને મેદાની મહેનત બાદ બે શંકાસ્પદ ઇસમોને ઝડપી પાડવામાં આવ્યા. કડક પૂછપરછ દરમિયાન આરોપીઓએ ગુનાની કબૂલાત કરી હતી.પૂછપરછમાં બહાર આવ્યું કે ઓવરટેક કરવાની બાબતે થયેલી બોલાચાલીનો ખાર રાખીને આરોપીઓએ આ કૃત્ય આચર્યું હતું. પોલીસે આરોપીઓ પાસેથી ગુનામાં વપરાયેલ છરી તથા મોટરસાયકલ કબજે કરી વધુ કાર્યવાહી હાથ ધરી છે.

મોરબી એલ.સી.બી.ની આ ઝડપભરી અને ચોક્કસ કામગીરીથી શહેરમાં કાયદો અને વ્યવસ્થાની મજબૂત છાપ ઊભી થઈ છે. ગણતરીના દિવસોમાં આરોપીઓને પકડી પાડવાથી પોલીસે ફરી એકવાર સાબિત કર્યું છે કે ગુનેગારો ભલે કેટલાંયે ચાલાક હોય, કાયદાના લાંબા હાથોથી બચી શકતા નથી.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %