મોરબી જિલ્લા આમ આદમી પાર્ટી દ્વારા મહાશિવરાત્રી નિમિત્તે ગાયત્રી યજ્ઞ: લોકકલ્યાણ અને વિજયાર્થે પ્રાર્થનાનું પાવન આયોજન

Read Time:1 Minute, 48 Second

પવિત્ર મહાશિવરાત્રીના અવસરે મોરબી જિલ્લામાં આધ્યાત્મિક ભાવના અને લોકસેવાના સંકલ્પ સાથે એક સુંદર કાર્યક્રમનું આયોજન કરવામાં આવ્યું. આમ આદમી પાર્ટીની મોરબી જિલ્લા ટીમ દ્વારા જિલ્લા પ્રભારી પંકજભાઈ રાણસરિયાની આગેવાની હેઠળ જિલ્લા કાર્યાલય ખાતે ગાયત્રી યજ્ઞ યોજાયો હતો.આ યજ્ઞનો મુખ્ય હેતુ મોરબી જિલ્લાના લોકોની સુખાકારી, સ્વાસ્થ્ય અને સમૃદ્ધિ માટે પ્રાર્થના કરવાનો હતો. સાથે સાથે આવનારી સ્થાનિક સ્વરાજ્ય તથા મહાનગર પાલિકાની ચૂંટણીમાં પાર્ટીના ઉમેદવારોને પ્રચંડ વિજય પ્રાપ્ત થાય અને ભ્રષ્ટાચારી તંત્ર સામે સશક્તપણે લડવાની શક્તિ મળે તે માટે પ્રાર્થના કરવામાં આવી.

કાર્યક્રમ દરમિયાન ગાયત્રી મંત્રોચ્ચાર સાથે શાંતિ, સદભાવના અને વિકાસના સંકલ્પો લેવાયા. ઉપસ્થિત કાર્યકર્તાઓ અને હોદેદારો પરિવાર સાથે હાજર રહી યજ્ઞમાં ભાગ લીધો અને તમામ ઉમેદવારોને વિજયતિલક કરીને તેમની સફળતા માટે શુભેચ્છાઓ પાઠવી.આ સમગ્ર આયોજનમાં રાજકારણ સાથે આધ્યાત્મિકતા અને સંસ્કારનો સુમેળ જોવા મળ્યો. મહાશિવરાત્રીના પાવન દિવસે કરાયેલ આ ગાયત્રી યજ્ઞે લોકકલ્યાણ, એકતા અને સકારાત્મક રાજનીતિનો સુંદર સંદેશ આપ્યો.