પત્નીની આત્મહત્યાના કેસમાં પતિને નોકરીમાંથી દૂર ન કરી શકાય: ગુજરાત હાઈકોર્ટનો મહત્વપૂર્ણ ચુકાદો

0 0

અમદાવાદ: ગુજરાત હાઈકોર્ટે સરકારી કર્મચારીઓના સેવા અધિકારો અંગે મહત્વપૂર્ણ ચુકાદો આપતાં જણાવ્યું છે કે, સરકારી કર્મચારી સામે તેના વ્યક્તિગત જીવન સાથે સંબંધિત ફોજદારી કેસ ચાલી રહ્યો હોય માત્ર એટલા આધારે તેને નોકરીમાંથી દૂર કરી શકાય નહીં અથવા ફરજ બજાવવાથી રોકી શકાય નહીં. જો વિભાગીય તપાસ હાથ ધરવામાં આવી નથી અને સેવાના નિયમોના ભંગના કોઈ પુરાવા નથી, તો કર્મચારીને ફરજ પર ચાલુ રાખવાનો અધિકાર છે.

કોર્ટ સમક્ષ આવેલા કેસમાં અરજદાર સરકારી કર્મચારી સામે પત્નીની આત્મહત્યાના પ્રકરણમાં ફોજદારી કાર્યવાહી ચાલી રહી હતી. જોકે સંબંધિત વિભાગે કોઈ વિભાગીય તપાસ કર્યા વિના તેને ફરજ પરથી દૂર રાખવાનો નિર્ણય લીધો હતો. હાઈકોર્ટે નોંધ્યું કે ફોજદારી કેસ અને વિભાગીય કાર્યવાહી બંને અલગ બાબતો છે. માત્ર આરોપના આધારે કર્મચારીના રોજગારના અધિકારને નકારી શકાય નહીં.
હાઈકોર્ટે સ્પષ્ટ કર્યું કે જ્યાં સુધી વિભાગીય તપાસમાં કર્મચારી સામે કોઈ ગંભીર ગેરરીતિ સાબિત ન થાય અથવા કાયદા મુજબ કાર્યવાહી પૂર્ણ ન થાય, ત્યાં સુધી તેને ફરજ બજાવવાથી રોકી શકાય નહીં. કોર્ટના આ ચુકાદાને સરકારી કર્મચારીઓના સેવા અધિકારોના સંરક્ષણ માટે મહત્વપૂર્ણ માનવામાં આવી રહ્યો છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %