અમદાવાદ ના પ્રહલાદનગર ગાર્ડન પાસે ફરી રસ્તો બેસ્યો, પ્રી-મોન્સૂન કામગીરી સામે ઉઠ્યા સવાલો

0 0

અહેમદાબાદ મિત્ર ન્યુઝ અમદાવાદ:અમદાવાદના પ્રહલાદનગર ગાર્ડન પાસે મુખ્ય માર્ગ ફરી એકવાર બેસી જતાં તંત્ર દ્વારા તાત્કાલિક સમારકામની કામગીરી શરૂ કરવામાં આવી છે. નોંધનીય છે કે આ જ સ્થળે અંદાજે દસ દિવસ અગાઉ પણ રસ્તો બેસી ગયો હતો. ટૂંકા ગાળામાં બીજી વખત એ જ સ્થળે માર્ગ બેસી જતાં પ્રી-મોન્સૂન કામગીરી અને માર્ગ નિર્માણની ગુણવત્તા સામે સવાલો ઊભા થયા છે.મળતી માહિતી મુજબ માર્ગ બેસી જતાં વાહનચાલકોને મુશ્કેલીનો સામનો કરવો પડ્યો હતો. ઘટનાની જાણ થતાં સંબંધિત વિભાગની ટીમ સ્થળ પર પહોંચી સુરક્ષાના પગલાં સાથે સમારકામની કામગીરી હાથ ધરી હતી. જોકે એક જ સ્થળે વારંવાર આવી સ્થિતિ સર્જાતાં સ્થાનિકોમાં પણ ચિંતા જોવા મળી રહી છે.

ચોમાસા પૂર્વે માર્ગોની મરામત, ડ્રેનેજ સફાઈ અને અન્ય પ્રી-મોન્સૂન કામગીરી માટે દર વર્ષે નોંધપાત્ર ખર્ચ કરવામાં આવે છે. તેમ છતાં વરસાદ શરૂ થતાં જ રસ્તા બેસવા, ખાડા પડવા અને વાહનવ્યવહાર ખોરવાવાની ઘટનાઓ સામે આવતી રહે છે. આવી પરિસ્થિતિમાં માત્ર તાત્કાલિક સમારકામ પૂરતું ન ગણાય, પરંતુ માર્ગ બેસવાનું મૂળ કારણ શોધી કાયમી ઉકેલ લાવવો જરૂરી છે.નગરજનોના હિતમાં માર્ગની ટેક્નિકલ તપાસ, બાંધકામની ગુણવત્તાની ચકાસણી તેમજ જવાબદાર એજન્સીઓની જવાબદારી નક્કી કરવામાં આવે તો ભવિષ્યમાં આવી ઘટનાઓ અટકાવી શકાય. ચોમાસા દરમિયાન નાગરિકોની સુરક્ષા અને સરળ વાહનવ્યવહાર સુનિશ્ચિત કરવો એ તંત્રની પ્રાથમિક જવાબદારી છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %