ક્રાઈમ ઇન્વેસ્ટિગેશન બ્યુરો (NGO) ગુજરાત એકમમાં નવી નિમણૂકો જાહેર, જૂની તમામ હોદ્દેદારી રદ

Read Time:1 Minute, 55 Second

અમદાવાદ, તા. 30 જૂન 2026: ક્રાઈમ ઇન્વેસ્ટિગેશન બ્યુરો (NGO) દ્વારા જાહેર કરાયેલી પ્રેસ નોટ મુજબ ગુજરાત રાજ્ય એકમમાં નવા હોદ્દેદારોની નિમણૂક કરવામાં આવી છે અને મે-2026 પહેલાં નિયુક્ત કરાયેલા તમામ હોદ્દેદારો, સમિતિ સભ્યો તથા પ્રતિનિધિઓની નિમણૂકો તાત્કાલિક અસરથી રદ કરવામાં આવી હોવાનું જણાવાયું છે.સંસ્થાના જણાવ્યા અનુસાર મયૂરભાઈ કે. ગોહિલને ગુજરાત સ્ટેટ ચીફ અને જગદીશભાઈ જી. મિસ્ત્રીને ગુજરાત સ્ટેટ સેક્રેટરી તરીકે નિયુક્ત કરવામાં આવ્યા છે. પ્રેસ યાદી માં વધુમાં જણાવાયું છે

કે અગાઉના હોદ્દેદારો હવે સંસ્થાના નામે કોઈપણ વહીવટી, સામાજિક કે અન્ય પ્રકારની કામગીરી કરવા માટે અધિકૃત નથી. જો કોઈ વ્યક્તિ સંસ્થાના નામે કાર્ય કરતી જોવા મળશે તો તેને બિનઅધિકૃત અને ગેરકાયદેસર ગણવામાં આવશે તથા જરૂરી કાનૂની કાર્યવાહી કરવામાં આવશે. આ સાથે સંસ્થાએ સામાન્ય જનતા તથા સરકારી-અર્ધસરકારી કચેરીઓને અપીલ કરી છે કે સંસ્થાના સત્તાવાર કામકાજ માટે માત્ર નવા નિયુક્ત રાજ્ય હોદ્દેદારો સાથે જ સંપર્ક રાખવો.નોંધ: આ અહેવાલ સંસ્થા દ્વારા જાહેર કરાયેલી પ્રેસ નોટના આધારે તૈયાર કરવામાં આવ્યો છે. આ દાવાઓ અંગે કોઈ સ્વતંત્ર સરકારી પુષ્ટિ અહેવાલ સાથે ઉપલબ્ધ નથી.