હળવદમાં મહિલા પ્રતિનિધિઓની ગેરહાજરી ચર્ચામાં લોકપ્રતિનિધિત્વ અને જવાબદારી અંગે ઉઠ્યા સવાલો

0 0

રિપોર્ટ: સંજય નંદેસરિયા,હળવદ

હળવદ તાલુકામાં યોજાતા વિવિધ સરકારી કાર્યક્રમોમાં ચૂંટાયેલા મહિલા પ્રતિનિધિઓની જગ્યાએ તેમના પતિઓની હાજરી જોવા મળતા સ્થાનિક રાજકીય અને સામાજિક વર્તુળોમાં ચર્ચાનો માહોલ સર્જાયો છે. ખાસ કરીને તાલુકા પંચાયત પ્રમુખના પતિ સરકારી કાર્યક્રમો, જાહેર મંચો અને અધિકારીઓ સાથેની બેઠકોમાં સક્રિય જોવા મળતા લોક પ્રતિનિધિત્વની વ્યવહારિકતા અંગે પ્રશ્નો ઊભા થયા છે.
સ્થાનિક નાગરિકોમાં એવી લાગણી વ્યક્ત થઈ રહી છે કે જનતાએ જે મહિલા પ્રતિનિધિઓને મત આપીને ચૂંટ્યા છે, સરકારી મંચો પર જવાબદારી અને પ્રતિનિધિત્વ પણ તેમનું જ હોવું જોઈએ. લોકશાહી વ્યવસ્થામાં ચૂંટાયેલા પ્રતિનિધિની સીધી હાજરી જનતા અને તંત્ર વચ્ચેના સંવાદને વધુ અસરકારક બનાવે છે તેવી પણ ચર્ચા ચાલી રહી છે. બીજી તરફ કેટલાક લોકોનું માનવું છે કે અનેક પ્રસંગોએ પરિવારના સભ્યો શિષ્ટાચાર મુલાકાત કે સામાજિક ભાગીદારીના ભાગરૂપે હાજર રહેતા હોય છે, જેને રાજકીય દૃષ્ટિએ જોવું યોગ્ય નથી. તેમ છતાં સરકારી કાર્યક્રમોમાં અધિકૃત પ્રતિનિધિત્વ કોણ કરે છે તે મુદ્દો ચર્ચાનો વિષય બન્યો છે.
પંચાયતી રાજ વ્યવસ્થામાં મહિલાઓને મળેલા અનામતના કારણે સ્થાનિક સ્વરાજમાં તેમની ભાગીદારી વધી છે. પરંતુ કેટલીક જગ્યાએ હજુ પણ મહિલા પ્રતિનિધિઓના સ્થાને તેમના પરિવારજનો વધુ સક્રિય હોવાનું જોવા મળે છે, જેને લઈને સમયાંતરે ચર્ચાઓ થતી રહી છે. નિષ્ણાતોના મતે મહિલાઓની સીધી અને સ્વતંત્ર ભાગીદારી સ્થાનિક લોકશાહીને વધુ મજબૂત બનાવી શકે છે. હળવદમાં હાલ ચર્ચાનો કેન્દ્રબિંદુ એ છે કે ચૂંટાયેલા મહિલા પ્રતિનિધિઓ સરકારી કાર્યક્રમોમાં વધુ સક્રિય રીતે ઉપસ્થિત રહે તે લોકશાહીના મૂળ ભાવને વધુ અનુરૂપ ગણાય. જોકે આ સમગ્ર મુદ્દે સંબંધિત પ્રતિનિધિઓ અથવા તંત્ર તરફથી હજુ સુધી કોઈ સત્તાવાર સ્પષ્ટતા કરવામાં આવી નથી.

“‘શાળા પ્રવેશોત્સવનો સાચો સંકલ્પ: નેતાઓના સંદેશા સાથે શિક્ષકોની ભરતી અને સરકારી શાળાઓમાં વિશ્વાસ વધે તે સમયની માંગ”‘

હળવદ સહિત સમગ્ર રાજ્યમાં શાળા પ્રવેશોત્સવ અને કન્યા કેળવણી મહોત્સવ અંતર્ગત મંત્રીઓ, ધારાસભ્યો, સાંસદો અને સ્થાનિક આગેવાનો દ્વારા વિદ્યાર્થીઓને શિક્ષણ માટે પ્રોત્સાહિત કરવાના કાર્યક્રમો યોજાઈ રહ્યા છે. આ અભિયાનનો મુખ્ય હેતુ દરેક બાળકને શિક્ષણના પ્રવાહ સાથે જોડવાનો અને શિક્ષણ પ્રત્યે જાગૃતિ લાવવાનો છે.
પરંતુ આ ઉજવણી વચ્ચે કેટલીક મૂળભૂત બાબતો પર પણ ધ્યાન આપવું એટલું જ જરૂરી બની ગયું છે. અનેક સરકારી શાળાઓમાં આજે પણ શિક્ષકોની ઘટ જોવા મળે છે. ક્યાંક એક જ શિક્ષક ધોરણ 1 થી 3ના વિદ્યાર્થીઓને એકસાથે ભણાવતો જોવા મળે છે તો ક્યાંક વિષયવાર શિક્ષકોની અછત શિક્ષણની ગુણવત્તા પર અસર કરતી હોવાનું વાલીઓ જણાવી રહ્યા છે. શાળા પ્રવેશોત્સવ માત્ર નવા વિદ્યાર્થીઓને પ્રવેશ અપાવવાનો કાર્યક્રમ ન રહે, પરંતુ શિક્ષણ વ્યવસ્થાને વધુ મજબૂત બનાવવાનો અવસર બને તો તેનો હેતુ વધુ સાર્થક બની શકે. શિક્ષકોની ખાલી જગ્યાઓ ઝડપથી ભરાય, આધુનિક શૈક્ષણિક સુવિધાઓ ઉપલબ્ધ બને અને સરકારી શાળાઓ પ્રત્યે જનવિશ્વાસ વધુ મજબૂત થાય તે જરૂરી છે.સામાજિક ચિંતકોનું માનવું છે કે જો જનપ્રતિનિધિઓ, ધારાસભ્યો, સાંસદો અને અન્ય આગેવાનો પોતાના સંતાનોને પણ સરકારી શાળાઓમાં અભ્યાસ માટે પ્રોત્સાહિત કરે તો સરકારી શિક્ષણ વ્યવસ્થા પ્રત્યે લોકોનો વિશ્વાસ અનેકગણો વધી શકે. આવા પગલાંથી સરકારી શાળાઓના વિકાસ માટે વધુ જવાબદારી અને ગુણવત્તા સુધારવાની હરીફાઈ પણ સર્જાઈ શકે.આજના શાળા પ્રવેશોત્સવનો સાચો સંદેશ માત્ર પ્રવેશ વધારવાનો નહીં, પરંતુ ગુણવત્તાસભર શિક્ષણ, પૂરતા શિક્ષકો અને સરકારી શાળાઓ પ્રત્યે વિશ્વાસનું વાતાવરણ ઊભું કરવાનો છે. જ્યારે પ્રવેશોત્સવ સાથે શિક્ષકોની ઘટ દૂર થશે અને સમાજના દરેક વર્ગનો સરકારી શિક્ષણમાં વિશ્વાસ વધશે, ત્યારે જ શિક્ષણ ક્રાંતિનું સ્વપ્ન સાચા અર્થમાં સાકાર થઈ શકશે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %