ગિરીશ પંડચાની અચાનક તપાસથી મોરબી જેલમાં ચકચાર સુરક્ષા વ્યવસ્થાને લઈને ગંભીર સવાલો

0 0

મોરબી જેલમાં આજે જેલ આઇજી ગિરીશ પંડચાના માર્ગદર્શન હેઠળ અચાનક તપાસ અને સઘન ઝડતી હાથ ધરવામાં આવી હતી. તપાસ દરમિયાન જેલના વિવિધ રજિસ્ટર, વહીવટી પ્રક્રિયાઓ તેમજ કેદીઓના હિતને લગતી કામગીરીની સમીક્ષા કરવામાં આવી હતી.
આકસ્મિક તપાસને કારણે જેલ પરિસરમાં ભારે ચહલપહલ જોવા મળી હતી. જેલના વહીવટી તંત્રને જેલ નિયમોના કડક પાલન માટે સૂચનો આપવામાં આવ્યા હતા અને જરૂરી ખામીઓ તાત્કાલિક દૂર કરવા આદેશ કરાયા હતા. ઝડતી દરમિયાન કેટલાક પ્રતિબંધિત સામાન મળી આવ્યા હોવાનું સામે આવ્યું છે. પ્રાથમિક માહિતી મુજબ મોબાઇલ ફોન, ચાર્જર, વાયર, સ્ટીલની વસ્તુઓ, બ્લેડ, રોકડ રકમ તેમજ કેટલીક શંકાસ્પદ દવાઓ સહિતનો મુદ્દામાલ જપ્ત કરવામાં આવ્યો હોવાનું જાણવા મળ્યું છે.

મોરબી જેલમાં થયેલી આ કાર્યવાહી જેલ સુરક્ષા વ્યવસ્થાની અસરકારકતા પર સવાલો ઊભા કરે છે. પ્રતિબંધિત વસ્તુઓ જેલની અંદર સુધી કેવી રીતે પહોંચી તે મુદ્દે હવે આંતરિક તપાસ વધુ મહત્વની બની છે.જેલોમાં મોબાઇલ ફોન અને અન્ય પ્રતિબંધિત સામગ્રી મળી આવવાની ઘટનાઓ માત્ર સુરક્ષાનો ભંગ જ નહીં, પરંતુ જેલની અંદરથી ગેરકાયદે પ્રવૃત્તિઓ સંચાલિત થવાની સંભાવનાઓને પણ વેગ આપે છે. રાજ્યભરમાં જેલ સુરક્ષા વધુ મજબૂત બનાવવા માટે સમયાંતરે આવી અચાનક તપાસ જરૂરી માનવામાં આવે છે. હાલ મોરબી જેલમાં મળેલા મુદ્દામાલના સ્ત્રોત અને તેમાં સંકળાયેલા વ્યક્તિઓ અંગે તપાસ આગળ ધપાવવામાં આવી રહી છે. જેલ તંત્રે દાવો કર્યો છે કે સુરક્ષા વ્યવસ્થાને વધુ સઘન બનાવવા અને નિયમોના કડક અમલ માટે આગામી સમયમાં પણ નિયમિત ચેકિંગ હાથ ધરવામાં આવશે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %