જન્મદિવસે સેવાનો સંદેશ વાંકાનેરમાં રાહુલ ગાંધી ના જન્મદિવસે દર્દીઓ વચ્ચે ફળ વિતરણ, માનવતા મહેકી ઉઠી

0 0

વાંકાનેર, 19 જૂન : લોકસભાના વિપક્ષના નેતા અને યુવાનો, વિદ્યાર્થીઓ, ગરીબો તેમજ વંચિત વર્ગના અવાજ તરીકે ઓળખાતા રાહુલ ગાંધીના જન્મદિવસ નિમિત્તે વાંકાનેર યુવા કોંગ્રેસ દ્વારા અનોખી સેવા પ્રવૃત્તિનું આયોજન કરવામાં આવ્યું હતું.વાંકાનેર સિવિલ હોસ્પિટલ તેમજ પીર મશાયખ જાહેર હોસ્પિટલ ખાતે સારવાર લઈ રહેલા દર્દીઓને ફળોનું વિતરણ કરીને કોંગ્રેસી કાર્યકરોએ જન્મદિવસની ઉજવણીને માનવસેવા સાથે જોડવાનો પ્રયાસ કર્યો હતો.આ પ્રસંગે ગુજરાત યુવા કોંગ્રેસના ઉપપ્રમુખ ડૉ. રુકમુદીન માથકિયા, વાંકાનેર યુવા કોંગ્રેસ પ્રમુખ આબીદભાઈ ગઢવારા, વાંકાનેર તાલુકા પંચાયતના શાસક પક્ષના નેતા ફારુકભાઈ કડીવાર તેમજ વાંકાનેર યુવા કોંગ્રેસના ઉપપ્રમુખ સૈફુલભાઈ માથકિયા સહિતના આગેવાનો ઉપસ્થિત રહ્યા હતા.

રાજકારણમાં માત્ર નિવેદનો અને કાર્યક્રમોથી આગળ વધીને સમાજસેવાની પ્રવૃત્તિઓનું મહત્વ સતત વધી રહ્યું છે. વાંકાનેર યુવા કોંગ્રેસ દ્વારા દર્દીઓ વચ્ચે ફળ વિતરણનો કાર્યક્રમ એ દર્શાવે છે કે રાજકીય ઉજવણીઓને માનવતાના મૂલ્યો સાથે પણ જોડાઈ શકે છે.
આવા કાર્યક્રમોથી દર્દીઓ અને તેમના પરિવારજનોને માનસિક હૂંફ મળે છે, જ્યારે યુવા કાર્યકરોમાં પણ સેવાભાવ અને સામાજિક જવાબદારીની ભાવના મજબૂત બને છે. કાર્યકરોના ઉત્સાહ અને સેવાકીય અભિગમને કારણે હોસ્પિટલ પરિસરમાં માનવતાની સુગંધ પ્રસરી ઉઠી હતી.
જન્મદિવસની ઉજવણીને સામાજિક સરોકાર સાથે જોડવાનો આ પ્રયાસ સ્થાનિક સ્તરે સકારાત્મક સંદેશ આપનારો અને અન્ય સંસ્થાઓ માટે પણ પ્રેરણારૂપ બન્યો છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %