ગાંધીનગર સ્ટેટ મોનિટરિંગ સેલનો દરોડો: 13.26 લાખના મુદ્દામાલ સાથે ત્રણ ઝડપાયા

ગાંધીનગર સ્ટેટ મોનિટરિંગ સેલ દ્વારા કવડવા-લાવડિયા રોડ વિસ્તારમાં હાથ ધરાયેલી કાર્યવાહી દરમિયાન પ્રતિબંધિત દારૂના જથ્થા સાથે ત્રણ શખ્સોને ઝડપી પાડવામાં આવ્યા હોવાનું પોલીસ સૂત્રોએ જણાવ્યું છે. આ કેસમાં કુલ રૂ. 13.26 લાખથી વધુનો મુદ્દામાલ જપ્ત કરવામાં આવ્યો છે.પોલીસ દ્વારા જાહેર કરાયેલી વિગતો મુજબ, કવડવા-લાવડિયા ગામ નજીકથી વિદેશી દારૂની 708 બોટલ, એક કાર, બે મોબાઇલ ફોન સહિતનો મુદ્દામાલ કબજે લેવામાં આવ્યો હતો. આ કાર્યવાહી દરમિયાન બે આરોપીઓની ધરપકડ કરવામાં આવી છે, જ્યારે અન્ય બે વ્યક્તિઓને વોન્ટેડ જાહેર કરવામાં આવ્યા હોવાનું જાણવા મળે છે.

પોલીસે આરોપીઓ સામે પ્રોહિબિશન એક્ટની વિવિધ કલમો હેઠળ ગુનો નોંધી વધુ તપાસ શરૂ કરી છે. પ્રાથમિક તપાસમાં દારૂનો જથ્થો અન્ય સ્થળે પહોંચાડવા માટે લઈ જવામાં આવતો હોવાની આશંકા વ્યક્ત કરવામાં આવી રહી છે. તપાસ એજન્સીઓ હવે જપ્ત કરાયેલા દારૂના સ્ત્રોત, સપ્લાય ચેઇન અને સમગ્ર નેટવર્કની કડીઓ શોધવા માટે વધુ પૂછપરછ કરી રહી છે. પોલીસનું કહેવું છે કે ગેરકાયદેસર દારૂના વેપાર સામે આવી કાર્યવાહી આગામી દિવસોમાં પણ યથાવત્ રહેશે.
જપ્ત મુદ્દામાલ (પોલીસ મુજબ):
વિદેશી દારૂની 708 બોટલ – રૂ. 5,00,300
કાર – રૂ. 8,00,000
બે મોબાઇલ ફોન – રૂ. 20,000
રોકડ રકમ – રૂ. 1,540
કુલ મુદ્દામાલ: રૂ. 13,26,845
પોલીસ તપાસ પૂર્ણ થયા બાદ જ સમગ્ર ઘટનાક્રમ અને આરોપીઓની ભૂમિકા અંગે વધુ સ્પષ્ટતા થઈ શકશે.

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %