ચોમાસા પહેલાં જ વીજ વ્યવસ્થાના સવાલો: ટંકારામાં પ્રિ-મોન્સૂન કામગીરી સામે ઉઠ્યા

0 0

ટંકારા શહેરમાં ચોમાસાની ઋતુ નજીક આવી રહી છે ત્યારે વીજ પુરવઠાની સ્થિતિ અને પ્રિ-મોન્સૂન કામગીરી અંગે અનેક પ્રશ્નો ઊભા થયા છે. સામાન્ય વરસાદના બે-ચાર છાંટા પડતાં જ શહેરના વિવિધ વિસ્તારોમાં વીજ પુરવઠો ખોરવાઈ જતો હોવાની ફરિયાદો વચ્ચે સ્થાનિકોમાં ચિંતા વધી રહી છે.નાગરિકોના જણાવ્યા મુજબ શહેરના અનેક ટ્રાન્સફોર્મરોની આસપાસ ઝાડી-ઝાંખરાં ઉગી નીકળ્યાં છે, જેના કારણે કોઈ ફોલ્ટ સર્જાય તો તાત્કાલિક મરામત કામગીરીમાં મુશ્કેલી ઊભી થઈ શકે છે. ઉપરાંત, કેટલાક વિસ્તારોમાં વીજ તાર લટકતી સ્થિતિમાં જોવા મળતાં પવન દરમિયાન સ્પાર્કિંગ થવાની શક્યતાઓ પણ વ્યક્ત કરવામાં આવી રહી છે.

લો-વોલ્ટેજની સમસ્યા પણ ઘણા સમયથી યથાવત હોવાનું સ્થાનિકો જણાવી રહ્યા છે. તેના કારણે ઘરેલુ તેમજ વ્યાવસાયિક ઇલેક્ટ્રોનિક ઉપકરણોને નુકસાન થવાની ભીતિ સેવાઈ રહી છે. ચોમાસા દરમિયાન વીજ પુરવઠો વધુ અસરગ્રસ્ત ન બને તે માટે તંત્ર દ્વારા અસરકારક અને સમયસર કામગીરી કરવાની માંગ ઉઠી રહી છે.
દર વર્ષે પ્રિ-મોન્સૂન કામગીરીના દાવાઓ કરવામાં આવે છે, પરંતુ જમીન પર તેની અસર કેટલી દેખાઈ રહી છે તે અંગે નાગરિકોમાં ચર્ચા ચાલી રહી છે. વિકાસ અને સુવિધાઓના દાવાઓ વચ્ચે મૂળભૂત સેવાઓને વધુ પ્રાથમિકતા આપવાની જરૂરિયાત પણ અનુભવાઈ રહી છે.
હવે શહેરવાસીઓની નજર પીજીવીસીએલના જવાબદાર અધિકારીઓ અને તંત્રની આગામી કાર્યવાહી પર છે. ચોમાસું શરૂ થાય તે પહેલાં વીજ માળખાની ખામીઓ દૂર કરીને સુરક્ષિત અને અવિરત વીજ પુરવઠો સુનિશ્ચિત કરવામાં આવશે કે નહીં, તે આવનારા દિવસોમાં સ્પષ્ટ થશે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %