રાજકોટ વાલ્મિકી સમાજની દીકરી યશ્વી પરમારએ 97.33% સાથે શાળામાં ત્રીજો ક્રમ મેળવી વધાર્યો ગૌરવ

0 0

“મહેનત, સંસ્કાર અને પ્રતિભાનો સંગમ”

રાજકોટ શહેરમાં શિક્ષણ ક્ષેત્રે વધુ એક ગૌરવપૂર્ણ સિદ્ધિ સામે આવી છે. રાજકોટના વાલ્મિકી સમાજ માટે ગર્વની વાત બની છે કે પરમાર પરિવારની તેજસ્વી દીકરી યશ્વી જયદીપ પરમારએ P. B. Patel Schools Campus અંતર્ગત આવેલી શ્રી એમ.બી. પટેલ વિદ્યાલયમાં HKG વિભાગની અંતિમ પરીક્ષામાં ઉત્તમ પ્રદર્શન કરીને 97.33 ટકા સાથે શાળામાં ત્રીજો ક્રમ પ્રાપ્ત કર્યો છે. યશ્વીએ કુલ 300 માંથી 292 ગુણ મેળવી A+ ગ્રેડ હાંસલ કર્યો હતો. ગણિત, અંગ્રેજી, ગુજરાતી અને આસપાસની દુનિયા જેવા વિષયોમાં લગભગ સંપૂર્ણ ગુણ મેળવી પોતાની અભ્યાસ પ્રત્યેની લગન અને નિયમિત મહેનતનો સુંદર પરિચય આપ્યો છે.

નાની વયમાં જ આ પ્રકારની સિદ્ધિ માત્ર વિદ્યાર્થી માટે જ નહીં પરંતુ પરિવાર, શાળા અને સમગ્ર સમાજ માટે પ્રેરણારૂપ બની રહે છે. આજના સમયમાં બાળકોમાં સ્પર્ધા સાથે સંસ્કાર, આત્મવિશ્વાસ અને શિક્ષણ પ્રત્યેનો રસ વિકસાવવો ખૂબ જરૂરી બન્યો છે. યશ્વીની સફળતા એ દર્શાવે છે કે યોગ્ય માર્ગદર્શન, માતા-પિતાનો સહકાર અને શિક્ષકોની મહેનતથી દરેક બાળક પોતાની અંદરની પ્રતિભાને ઉજાગર કરી શકે છે.
સમાજના આગેવાનોનું માનવું છે કે આવી પ્રતિભાશાળી દીકરીઓ સમાજનું ભવિષ્ય ઉજ્જવળ બનાવે છે અને અન્ય વિદ્યાર્થીઓને પણ મહેનત કરીને આગળ વધવાની પ્રેરણા આપે છે. ખાસ કરીને વાલ્મિકી સમાજ માટે આ સિદ્ધિ ગૌરવ અને ઉત્સાહનો વિષય બની છે.

યશ્વી જયદીપ પરમારને પરિવારજનો, શિક્ષકો અને સમાજના લોકો તરફથી શુભેચ્છાઓનો વરસાદ વરસી રહ્યો છે. સૌએ તેના ઉજ્જવળ ભવિષ્ય માટે શુભકામનાઓ પાઠવી છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %