અંબિકા નગર સોસાયટીમાં ધૂળેટીનો રંગોત્સવ: એકતા, ઉત્સાહ અને સંસ્કારનું સુંદર સંમિશ્રણ

અહેમદાબાદ મિત્ર ન્યુઝ અમદાવાદ: ધૂળેટી પર્વ નિમિત્તે અમદાવાદ શહેરની અંબિકા નગર સોસાયટીમાં આનંદ અને ઉત્સાહનો માહોલ છવાયો હતો. નાના બાળકો, નાની બાલિકાઓ અને બહેનો દ્વારા વિવિધ રમતો અને સાંસ્કૃતિક કાર્યક્રમો સાથે ધૂળેટીનો ઉત્સવ હર્ષોલ્લાસભેર ઉજવવામાં આવ્યો. કાર્યક્રમની શરૂઆત દેશભક્તિના ભાવ સાથે રાષ્ટ્રગાનથી કરવામાં આવી, ત્યારબાદ લીંબુ-ચમચી દોડ, સંગીત બોલ, રસ્સા ખેંચ અને પરંપરાગત ગરબા જેવી રમતો યોજાઈ. બાળકોના ચહેરા પરનો આનંદ અને મહિલાઓનો ઉત્સાહ સમગ્ર સોસાયટીમાં સકારાત્મક ઉર્જા ફેલાવી રહ્યો હતો.

અબીલ-ગુલાલના રંગોથી સોસાયટી રંગાઈ ઉઠી અને સૌએ એકબીજાને રંગ લગાવી ભાઈચારો અને એકતાનો સંદેશ આપ્યો. સ્પર્ધાઓમાં વિજેતા બનેલા બાળકોને પ્રોત્સાહનરૂપે ચશ્મા ઇનામ આપવામાં આવ્યા. સાથે સાથે ઘર દીઠ ચશ્માની લાણી કરીને અનોખી રીતે ઉજવણી કરવામાં આવી, જે સૌ માટે યાદગાર બની રહી. આ કાર્યક્રમ માત્ર મનોરંજન પૂરતો જ નહોતો, પરંતુ બાળકોને પ્રોત્સાહિત કરવા, સંસ્કાર અને સંસ્કૃતિ સાથે જોડવા અને સમાજમાં એકતા મજબૂત બનાવવા માટેનું સુંદર માધ્યમ બન્યો.
ધૂળેટીનો આ અનોખો ઉત્સવ સાબિત કરે છે કે જ્યારે સમાજ એકતાના રંગે રંગાય છે, ત્યારે તહેવારોની મજા અનેક ગણો વધી જાય છે.