તેરા તુઝકો અર્પણ’ અભિયાનથી વાંકાનેર સિટી પોલીસની સરાહનીય કામગીરી

0 0

CEIR પોર્ટલની મદદથી રૂ. 6.40 લાખના 40 ગુમ થયેલા મોબાઇલ અને રોકડ રકમ સાચા માલિકોને પરત અપાયા

વાંકાનેર: મોરબી જિલ્લા પોલીસના માર્ગદર્શન હેઠળ વાંકાનેર સિટી પોલીસ સ્ટેશન દ્વારા “તેરા તુઝકો અર્પણ” કાર્યક્રમ અંતર્ગત ટેક્નોલોજીનો અસરકારક ઉપયોગ કરી નાગરિકોમાં પોલીસ પ્રત્યે વિશ્વાસ વધારતી એક પ્રશંસનીય કામગીરી કરવામાં આવી છે. CEIR (Central Equipment Identity Register) પોર્ટલની મદદથી ગુમ થયેલા મોબાઇલ ફોન શોધી કાઢી તેમના સાચા માલિકોને પરત સોંપવામાં આવ્યા છે.પોલીસે કુલ 19 મોબાઇલ ફોન, જેની અંદાજિત કિંમત રૂ. 3,51,500, તેમજ ભૂલથી બદલાઈ ગયેલા એક મોબાઇલ ફોન અને સાયબર ફ્રોડમાં ગુમાવેલી રૂ. 2,59,390ની રકમ સહિત કુલ રૂ. 6,40,890ની મિલકત અરજદારોને પરત આપી માનવતાનું ઉત્તમ ઉદાહરણ પૂરું પાડ્યું છે.મોરબી જિલ્લા પોલીસ અધિક્ષક મુકેશ પટેલના માર્ગદર્શન હેઠળ, નાયબ પોલીસ અધિક્ષક એસ.પી. સરડાના સુપરવિઝન હેઠળ અને વાંકાનેર સિટી પોલીસ સ્ટેશનના પી.આઈ. પી.આર. સોલંકીના નેતૃત્વમાં પોલીસ ટીમે CEIR પોર્ટલ પર નોંધાયેલી અરજીઓનું ટેકનિકલ વિશ્લેષણ કરી વિવિધ સ્થળોએ ટ્રેસિંગ કામગીરી હાથ ધરી હતી. સતત મહેનત અને આધુનિક ટેક્નોલોજીના ઉપયોગથી ગુમ થયેલા મોબાઇલ શોધી કાઢવામાં સફળતા મળી. મોબાઇલ પરત મેળવતા અરજદારોના ચહેરા પર ખુશી છવાઈ ગઈ હતી.

પોલીસની ઝડપી કામગીરી અને સેવાભાવને કારણે નાગરિકોએ વાંકાનેર સિટી પોલીસનો હૃદયપૂર્વક આભાર વ્યક્ત કર્યો હતો. આ કામગીરીમાં પી.આઈ. પી.આર. સોલંકી, એ.એસ.આઈ. ધર્મેન્દ્રસિંહ જીજોડિયા, પી.કે.સી. યશપાલસિંહ પરમાર, વિરેન્દ્રસિંહ ગઢવી, રાશિગણભાઈ ખવડ, ધર્માભાઈ વ્યાસ, હિતેન્દ્રસિંહ ગઢવી, જગદીશભાઈ રૂપાર, જનકસિંહ પરમાર તેમજ જવેન્દ્રસિંહ પઢિયાર સહિતના પોલીસ અધિકારીઓ અને કર્મચારીઓની મહત્વપૂર્ણ ભૂમિકા રહી હતી.પોલીસ માત્ર કાયદાનું પાલન કરાવતી સંસ્થા જ નહીં, પરંતુ નાગરિકોની અમૂલ્ય સંપત્તિ સુરક્ષિત રીતે પરત પહોંચાડતી વિશ્વાસની સંસ્થા પણ છે. વાંકાનેર સિટી પોલીસની આ કામગીરી ટેક્નોલોજી આધારિત, પારદર્શક અને જનકેન્દ્રિત પોલીસિંગનું ઉત્તમ ઉદાહરણ બની છે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %